औषधि व्यवासायी संघ कास्कीद्धारा प्रहरीलाई स्वास्थ्य सुरक्षा सामग्री हस्तान्तरण

Avatar आदर्श समाज सम्वाददाता
चैत्र १५, २०७६
PPE

कोरोना भाइरसको महामारी बढिरहेको अवस्थामा औषधि व्यवसायी संघ कास्कीले जिल्ला प्रहरी कार्यालय कास्कीलाई कोरोना रोकथामको लागि आवश्यक स्वास्थ्य सामग्री हस्तान्तरण गरेको छ ।

शनिबार संघका अध्यक्ष विक्रम पन्तको नेतृत्वमा संघका केही पदाधिकारी प्रहरी कार्यालय पुगेर उक्त सामग्री हस्तान्तरण गर्नुभएको हो । पन्तले विभिन्न क्षेत्रमा सुरक्षा प्रदान गर्न खटिरहने प्रहरीमा झन् ठुलो संक्रमणको जोखिम रहने भन्दै संघले सुरक्षा सामाग्री हस्तान्तरण गरेको बताउनुभयो ।

उहाँले सुरक्षाकर्मीलाई आवश्यक पर्ने ग्लोब्स्, मास्क, ह्याण्डस्यानिटाइजर बनाउन प्रयोग हुने ग्लिसिरिन, स्पिरिट, लगायतको सामाग्री हस्तान्तरण गरेको जानकारी दिनुभयो ।

संघका केन्द्रिय सदस्य टंक अधिकारीले विशेष स्वास्थ्य क्षेत्रसँग आवद्ध व्यवसायीहरुले यतिबेला व्यवसायिकता भन्दा माथि उठेर सामाजिक दायित्व पुरा गर्नुपर्नेे बताउनुभयो । अहिलेको विषम परिस्थितीमा दिनरात नभनी सुरक्षामा खटिने सुरक्षाकर्मीलाई संक्रमणको जोखिमबाट जोगाउन यी सामग्रीले सघाउ पुर्याउने विश्वास व्यक्त गर्नुभयो ।

त्यसैगरी संघका गण्डकी अध्यक्ष रामबहादुर केसीले जिल्ला शाखाले अहिलेको अवस्थालाई मध्येनजर गर्दै सहयोगमा जुट्नु सकारात्मक भएको बताउनुभयो । उहाँले अहिले औषधी व्यवसायी समेत संक्रमणको जोखिममा रहेको भन्दै सतर्कता अपनाएर सेवा प्रदान गर्न आग्रह गर्नुभयो ।
संघका महासचिव पूर्ण बस्नेत काजीले उक्त सामाग्रीहरु एभरेष्ट सर्जिकल एण्ड ल्याव ट्रेड कन्र्सन, रुषा फर्मा इन्टरप्राइजेज प्रा.लि, सृजना मेडिसिन सप्लार्यस, चिराग फार्मेसी, अन्नपूर्ण मेडिको फर्मा, फर्मा केयर औषधि पसलले सहयोग गरेको जानकारी दिनुभयो ।

जिल्ला प्रहरी कार्यालय कास्कीका प्रमुख प्रहरी उपरीक्षक दानबहादुर कार्कीले सुरक्षाकर्मीको जिम्मेवारी र संवेदनशीतालाई बुझेर संक्रमणबाट जोगिने सामाग्रि उपलब्ध गराउनु भएकोमा संघलाई धन्यवाद ज्ञापन गर्नुभयो । उहाँले असहज अवस्थामा सबैले आआफ्नो दायित्व र भूमिकालाई बहन गरेर लकडाउनको पूर्ण पालन गर्न सके कोरोनाको संक्रमणबाट जोगिन सक्ने बताउनुभयो ।

Related News

सम्बन्धित समाचार

    • तनहुँ समाज र मातृभूमि सहकारीको शुभकामना आदानप्रदान

      Avatar आदर्श समाज सम्वाददाता चैत्र ३०, २०७७
      पोखरा । तनहुँ सम्पर्क समाज पोखरा र मातृभूमि बचत तथा ऋण सहकारी संस्थाको २०७८ सालको भित्तेपात्रो विमोचन तथा शुभकामना आदानप्रदान…
    • पाल्पाली समाज पोखराको क्यालेन्डर विमोचन

      Avatar आदर्श समाज सम्वाददाता चैत्र २८, २०७७
      पोखरा, २८ चैत । पाल्पाली समाज पोखराले वर्ष–२०७८ को क्यालेन्डर विमोचन तथा शुभकामना आदानप्रदान कार्यक्रम गरेको छ । पोखरामा शनिबार…
    • लाङ्दी तमु समाजमा बालकृष्ण

      Avatar आदर्श समाज सम्वाददाता चैत्र २८, २०७७
      पोखरा । लाङ्दी गाउँ तमु समाज पोखराको भेलाले बालकृष्ण गुरुङको अध्यक्षतामा १७ सदस्यीय नयाँ कार्यसमिति चयन गरेको छ । उपाध्यक्ष…
    • अल नेपाल होमियोप्याथिक एसोसिएसनमा खगेन्द्र

      Avatar आदर्श समाज सम्वाददाता चैत्र २८, २०७७
      पोखरा । अल नेपाल होमियोप्याथिक एसोसिएसनको पोखरामा शुक्रबार आयोजित १० औं महाधिवेशनले डा. खगेन्द्र कटुवालको नेतृत्वमा नयाँ कार्यसमिति निर्वाचित गरेको…
    • पाेखरा १७ र २१ मा सडकको अवस्था र पुल दयनीय

      Avatar आदर्श समाज सम्वाददाता चैत्र २७, २०७७
      पाेखरा । बत्ती मुनिको अँध्यारो भनेजस्तै गण्डकी प्रदेशको राजधानी पोखरा वडा नम्बर १७ र २१ को सडकको अवस्था र पुलको…

    hero news full width

    sanil ads

    wordlink ads