पोखरा महानगरपालिका वडा नं. २८ ले लकडाउन पालना गर्न वडाबासीलाई आग्रह गरेको छ । महानगरको शुक्रबार बसेको बैठकको निर्णय बमोजिम शुक्रबार वडामा भएको सरोकारवालाको बैठकले अत्यावश्यक कामबाहेक घरबाहिर ननिस्कन अनुरोध गरेको हो ।
साबिक माझठाना र कालिका दुवैलाई पायक गर्ने गरी क्वारेन्टाइन स्थल पहिचान र निर्माण गर्ने निर्णय भएको वडाध्यक्ष निर्मल दियालीले जानकारी दिए । अहिले पनि वडामा विदेशबाट आएका १६ जनालाई होम क्वारेन्टाइनमा राखिएको उनको भनाइ छ । कोरोना संक्रमणसँग मुकाबिला गर्न क्वारेन्टाइन व्यवस्थापनसहित सुरक्षा सामग्रीका लागि वडाको सामाजिक विकासको स्वास्थ्य शीर्षकमा रहेको १ लाख र महानगरले पठाएको ५० हजार उपयोग गरिने भएको छ ।
बैठकले क्वारेन्टाइन व्यवस्थापन र संकटमा वडावासीलाई सघाउन वडाध्यक्ष दियालीको संयोजकत्वमा १३ सदस्यीय समितिसमेत गठन गरेको छ । कोरोना संक्रमित देशबाट कोही आएमा घरमै क्वारेन्टाइनमा बस्न र संक्रमणका लक्षण देखिए वा कुनै सहयोग आवश्यक परेमा वडाका जनप्रतिनिधि र स्वास्थ्य संस्थाका पदाधिकारीलाई खबर गर्न अध्यक्ष दियालीले आग्रह गरे ।
उनले अत्यावश्यक खाद्यान्न, खाना पकाउने ग्यास आदिको कालोबजारी नगर्न पनि आग्रह गरेका छन् । वडाका सबै टोल, बस्तीमा सूचना सम्प्रेषणका लागि वडा सदस्य विष्णुप्रसाद तिवारीको संयोजकत्वमा माइकिङ र सूचना प्रवाह गर्ने निर्णयसमेत भएको छ ।
Related News
सम्बन्धित समाचार
कोभिडबाट एकको मृत्यु, १०६ संक्रमित थपिए
कोरोना भाइरसबाट आज एक जनाको निधन
गण्डकीका ३ सहित मुलुकभरका १३ जिल्लामा कोरोनाको शून्य संक्रमण
कास्कीमा २ सय बढी संक्रमित
कोरोनाको उद्गमस्थल चीनको वुहानमा फेरि लकडाउन
hero news full width
मुख्य समाचार
प्रेमील गजलकारको भावपूर्ण बिदाइ
अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
वैशाख ५, २०८१गण्डकी प्रदेश सभाको अधिवेशन आह्वान
वैशाख ५, २०८१गण्डकीमा अधिवेशन डाक्न सिफारिस, मुख्यमन्त्रीले विश्वासको मत लिँदै
वैशाख ५, २०८१दृष्टिविहीनलाई बाटो देखाउँदै गुगल
वैशाख ४, २०८१प्रकट पगेनी ‘शिव’ को निधन
वैशाख ४, २०८१