कोरोनाका लागि तयार छैनन् पोखराका अस्पतालहरु- साझा पार्टी

Avatar आदर्श समाज सम्वाददाता
चैत्र १०, २०७६
91025246_1532442310255184_5361144853663055872_n

पोखरा, ९ चैत । कोरोनाको सन्त्राष फैलिरहेको अवस्थामा साझा पार्टीले पोखराका विभिन्न अस्पतालको तयारीको विषयमा जानकारी लिएको छ । उसले कोरोना भाइरसका विरामी आएको खण्डमा पोखराका अस्पतालहरु उपचार गर्नका लागि तयार नभएको निश्कर्ष निकालेको छ ।

साझा पार्टीले यो अवस्थालाई निकै नाजुक बताएको छ । खासगरी कोरोनाका लागि हरेक अस्पतालमा आइसोलेसन वार्ड बनाएको स्थानीय तथा प्रदेश सरकारले दावी गरिरहेको अवस्थामा साझा पार्टीले भने स्थिति सोँचेजस्तो नरहेको बताएको हो । आइतबार साझा पार्टीको केन्द्रीय सदस्यसहित गण्डकी प्रदेश र जिल्ला संयोजकसहितको टोलीले पोखराको पश्चिमाञ्चल क्षेत्रीय अस्पताल, मनिपाल शिक्षण अस्पताल, गण्डकी मेडिकल कलेज, चरक मेमोरियल अस्पताल लगाएतमा पुगेर सोधखोज गरेको थियो । अधिकांश अस्पतालमा भनेजस्तो तयारी नदेखिएको टोलीको निश्कर्ष छ ।

साझा पार्टीका केन्द्रीय सदस्य सुशीला केसी अधिकारीको नेतृत्वमा टोली अस्पतालहरुमा पुगेको थियो । टोलीमा अर्का केन्द्रीय सदस्य रजनी केसी र कास्की जिल्ला संयोजक अर्जुन खनाल रहेका थिए । ‘हामी हरेक अस्पतालमा गयौँ । त्यहाँ कुनै पुर्वतयारी देखिएन । बरु संक्रमित आएको खण्डमा भाग्नुको विकल्प छैन् । हामीसँग न मास्क छ, न कुनै उपकरण छन् भनेर उल्टै चिकित्सकहरु त्रसित भएको पायौँ ।’ साझा पार्टीका केन्द्रीय सदस्य सुशीला केसी अधिकारीले भनिन् ।

त्यसो त स्वास्थ्य निर्देशनालयका निर्देशकले भने यो प्रदेशमा सम्पूर्ण रुपमा तयारी भएको दावी गरेको उनले बताइन् । यद्यपी छेऊकै अस्पतालमा भने चिकित्सकहरुले संक्रमित आएको खण्डमा आफ्नै सुरक्षा गर्ने आवश्यक सामाग्री पनि सरकारले उपलब्ध नगराएको गुनासो गरेको टोलीले भेट्यो । टोलीकै अर्का सदस्य साझा पार्टीका कास्की जिल्ला संयोजक अर्जुन खनालले त अझै संक्रमित आशंका गरिएका विरामीलाई खुलमखुल्ला अन्य विरामीहरुसँगै राखेर उपचार गरिएको आफूले देखेको दावी गरे । ‘अस्पतालमा उपचार गर्न जाने की संक्रमण फैलाउन जाने ? यो त झन् खतरा पो भयो ।’ खनालले भने–‘यो विषयमा सरकार र सम्बन्धित निकायहरुले बेवास्ता गरेको देखियो ।’

साझा पार्टीको टोलीले सरकारसँगै सम्बन्धित निकायलाई यस विषयमा अझ बढि सचेत हुन सुझाव समेत दिएको छ । सरकारले आवश्क तयारी गरिरहँदा चाहिने स्वयंसेवी सहयोगी हातहरु अगाडि बढाउन साझा पार्टी सँधै तयार रहेको टोलीले बताएको छ । साथै साझा पार्टीले सम्पूर्ण प्रदेशहरुमा जस्तै गण्डकी प्रदेशमा पनि मास्क तथा सेनिटाइजर वितरणलाई तीव्र पारेको छ । साथै सम्पूर्ण मिडियाहरुमार्फत कोरोना विरुद्धको जनचेतनामुलक सन्देश प्रवाहलाई चुनावको बेला भन्दा अझै बढी सक्रियतापूर्वक गरिरहेको साझा पार्टीले दावी गरेको छ । साथै पार्टीले सर्वसाधारणलाई संयमित अनि सतर्क रहन आग्रह समेत गरेको छ ।

Related News

सम्बन्धित समाचार

    • बागलुङको बलेवामा १० दिन लकडाउन

      Avatar आदर्श समाज सम्वाददाता वैशाख ७, २०७८
      बागलुङ । विद्यालय र समुदायमा ठूलो संख्यामा कोरोना संक्रमणको पुष्टि भएपछि बागलुङको बलेवा क्षेत्र १० दिनका लागि लकडाउन घोषणा गरिएको…
    • अन्नपूर्णका सुत्केरीलाई कुखुरा र कम्बल

      Avatar आदर्श समाज सम्वाददाता वैशाख ७, २०७८
      हेमजा । अन्नपूर्ण गाउँपालिकाका सुत्केरीलाई कुखुरा र कम्बल प्रदान गरिएको छ । ‘उपाध्यक्षसँग सुत्केरी’ कार्यक्रम अन्तर्गत उनीहरुलाई जनही २ वटा पोथी…
    • पत्रकार महासंघ कास्कीको पदस्थापन

      Avatar आदर्श समाज सम्वाददाता वैशाख ७, २०७८
      पोखरा । नेपाल पत्रकार महासंघ, कास्कीको हालै निर्वाचित नयाँ कार्यसमितिको मंगलबार सपथ ग्रहण तथा पदस्थापन गरिएको छ । निर्वाचन समिति…
    • ‘घर जलेर खरानी भो’

      Avatar आदर्श समाज सम्वाददाता वैशाख ७, २०७८
      दमौली। भैँसी र बाख्राको गोठ छेवैमा अस्थायी रूपमा खरले छाएको टहरा छ । ६ वटा काठको खाँबामा एककोठे बराबरको टहरामुनि भुइँमा…
    • कास्की कांग्रेसका सभापति केसीलाई कोरोना संक्रमण पुष्टि

      Avatar आदर्श समाज सम्वाददाता वैशाख ७, २०७८
      पोखरा । नेपाली कांग्रेस कास्कीका सभापति कृष्ण केसीलाई कोरोना भाइरस संक्रमण पुष्टि भएको छ । आफ्ना पिताको देहवासन भएर काजकीरियामा…

    hero news full width

    sanil ads

    wordlink ads

    trending post

    ट्रेन्डिङ्ग