पोखरा। कोरोना भाइरस (कोभिड–१९) संक्रमणको रोकथाम र पूर्व तयारीका लागि गण्डकी प्रदेश सरकारले सवा ३ करोड रुपैयाँ निकासा गरेको छ । सामाजिक विकास मन्त्रालयको प्रस्तावमा शुक्रबार बसेको मन्त्रिपरिषद् बैठकबाट ३ करोड २३ लाख रुपैयाँ निकासा दिइएको हो ।
कोरोना संक्रमणको पूर्व तयारीका लागि गठित १० वटा समितिले दिएको कार्ययोजना र बजेटको प्रस्ताव आधारमा मन्त्रालयले सरकारसँग बजेट मागेको हो । ‘यो बजेटले विशेषगरी पीपीई (पर्सनल प्रोटेक्सन इक्प्युपमेन्ट) खरिद र समितिको परिचालनमा खर्च हुन्छ । समितिले दिएको कार्ययोजना र बजेटलाई परिमार्जन गरेर हामीले मन्त्रिपरिषद्मा पेश गरेका थियौं,’ सामाजिक विकास मन्त्री नरदेवी पुनले भनिन्, ‘गण्डकी प्रदेशमा निराशाजनक अवस्था छैन । तर उच्च सतर्कता अपनाउनु जरुरी छ । त्यसका लागि पनि पैसा त चाहियो ।’ प्रदेशभित्र क्वारेन्टाइन, आइसोलेसन व्यवस्थापनका लागि पनि बजेट आवश्यक पर्ने उनले बताइन् ।
सामान्य रुघाखोकी लागेपनि अरु ब्यक्तिबाट अलग बस्न उनको सुझाव छ । ‘भोलि (आइतबार) देखि हेल्लो डाक्टर भनेर हटलाइन सेवा शुरु गर्छौं । कतिपय द्विविधा भएका विषय यही हटलाइनबाट पनि निराकरण हुन्छ,’ उनी भन्छिन््, ‘त्यही सहजीकरणले उपचारमा आउन नपर्ने पनि हुन सक्छ । ५० बेडभन्दा ठूला अस्पतालमा फिभर क्लीनिक पनि चलाउँछौं । सबैभन्दा ठूलो कुरा सचेतना हो । त्यसका लागि निरन्तर खटिरहका छौं ।’
गण्डकी प्रदेशभित्र विभिन्न अस्पतालमा गरी १ सय १० वटा आइसोलेसन बार्ड तयार पारिएको छ । पोखराको चरक मेमोरियल अस्पतालमा ३०, तनहुँको जीपी कोइराला श्वासप्रश्वास केन्द्रमा ३०, मणिपाल शिक्षण अस्पतालमा १५, गण्डकी मेडिकल कलेजमा १५ र पोखरा स्वास्थ्य विज्ञान प्रतिष्ठान (पश्चिमाञ्चल क्षेत्रीय अस्पताल) मा १० सहित प्रदेशका जिल्लास्थित अस्पतालमा गरी १ सय १० वटा आइसोलेसन बेड तयारी अवस्थामा राखिएको गण्डकी प्रदेशका स्वास्थ्य निर्देशक डा. विनोदविन्दु शर्माले जानकारी दिए ।
यसबाहेक आइएनएफको प्राङ्गणमा थप ५० बेड चलाउन सकिने डा. शर्माको भनाइ छ । ५० बेडभन्दा ठूला अस्पतालमा कम्तीमा ५ वेड आइसोलेसनका लागि छुट्याउन निर्देशन दिइएको छ । हालसम्म ९ जनाको नमुना परीक्षण गरिएकोमा सबैको नतिजा नेगेटिभ आएको डा. शर्माले बताए । ‘सबै रिजल्ट नेगेटिभ छ । त्यसैले गण्डकी प्र्रदेश सुरक्षित रहेको सन्देश हामीले दिन सक्छौं,’ उनले भने, ‘तर जुनसुकै बेला संक्रमित छिर्ने र असर फैलिन सक्छ । ढुक्क हुने अवस्था चाहीँ छैन ।’
मन्त्रिपरिषद् बैठकले स्थानीय तहका जनप्रतिनिधिको सुविधासम्बन्धी विधेयक पनि तयार गरेको छ । अघिल्लो बैठकले विधेयक बनाउन सैद्धान्तिक स्वीकृति दिएको थियो । गएको कात्तिकमा स्थानीय जनप्रतिनिधिको मासिक परिश्रमिकसम्बन्धी ऐन सर्वोच्च अदालतले खारेज गरिदिएपछि गण्डकी सरकारले सुविधाका नाममा पुनः रकम उपलब्ध गराउने तयारी थालेको हो । तलब रोकिएकै मितिदेखि सुविधा दिइने मुख्यमन्त्री पृथ्वीसुब्बा गुरुङले जानकारी दिए । उनका अनुसार तलब सरहकै रकम पुग्ने गरी सुविधा तोकिने छ । यस्तै, यातायातको पटके कर संकलन गर्न ११ वटै जिल्लामा कार्यालय खोल्ने निर्णय पनि भएको छ । हाल बागलुङ, तनहूँ र पोखराबाट तिर्दै आएका सवारी कर अब सबै जिल्लाबाट तिर्न मिल्ने बनाउन लागिएको हो ।
Related News
सम्बन्धित समाचार
कतारी अमिर स्वेदश फिर्ता : पोखरा–कतार उडान माग
कास्कीमा एसइई उत्तरपुस्तिका परीक्षण रोकियो
गण्डकीमा डायलाइसिसका लागि अब पालो कुर्न नपर्ने
स्वदेश फर्किए कतारी अमिर
कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
hero news full width
मुख्य समाचार
रोजगार खोज्दै मेलामा
कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१फेवातालमा दुर्घटनामा परेका ५ जनाको उद्धार
वैशाख ११, २०८१लोकतन्त्रका १८ वर्ष : लोकतन्त्रले छोएन लोकलाई
वैशाख ११, २०८१कामचलाउ सरकारको आयु लम्बियो
वैशाख ११, २०८१गण्डकी सरकारविरुद्दको मुद्दा हेर्दाहेर्दैमा, आज टुंगो लागेन
वैशाख १०, २०८१