१२२ जना प्रहरीद्वारा बन्जीजम्प

Avatar आदर्श समाज सम्वाददाता
चैत्र ८, २०७६

पर्वत । विश्वकै लामो र अग्लो दाबी गरिएको कुश्मामा संचालित बन्जीजम्पको सफल परिक्षण गरिएसंगै बन्जी गर्नेहरुको भीड लाग्न थालेको छ । शनिबार १२२ जना प्रहरीले एकै पटक बन्जी गरेका छन् ।

नेपाल पुलिसका असई पोष्टमा रहेका १ सय २२ जनाले कमाण्डर तालिमको लागि बन्जी गरेका हुन् । सबै असई पोष्टका रहेका छन् भने उनीहरु देशभरिबाट छनोटमा परी आएका हुन । युवा ब्यवसायी कार्कीको अगुवाईमा कुश्माका स्थानीय युवाहरु सहित करिव २० करोड लगानीमा बन्जी सहित साहसिक पर्यटन शुरु भएको हो ।

यो बन्जी विश्वकै दोस्रो अग्लो बन्जीको रुपमा दावी समेत गरिएको छ । कालीगण्डकीको खोंचमाथि ५२५ मिटर लामो स्टिलको पुल बनिसकेको छ । नौलो प्रविधिको लठ्ठामा झुण्ड्याइएको पुलबाट झण्डै साढे २ सय मिटर तल बगेको कालीगण्डकीको बीचमा बन्जी गर्न मिल्नेछ । उक्त बन्जीमा कार्की र पर्वतका युवा व्यवसायीहरु समेतगरी ११ जनाको लगानी रहेको छ । कालीगण्डकीको खोंचमा कुश्मा र बागलुङको बलेवालाई जोडेर २२८ मिटर उचाइबाट बन्जी गर्न मिल्नेगरी व्यवसायीले लगानी गरेका हुन् ।

बन्जीको निर्माण कम्पनी द क्लिफ प्रालिका अध्यक्ष एवं मुख्य लगानीकर्ता राजु कार्कीले यही माघ १६ गते विहीबार कालीगण्डकी माथिको साढे दुई सय मिटर माथिबाट डोरीमा हाम फाली परिक्षण गरेसगै बन्जी गर्नेहरु नियमित सम्पर्कमा आइरहेको बताए । बन्जीमा कार्कीसहित कुश्माका युवराज जोशी, नेत्र पराजुली, नवराज पौडेल, राजन जोशी लगायतको लगानी छ । लगानीकर्ताहरुले करिव १५ करोडको अनुमान गरेर बन्जी निर्माण शुरु गरेका थिए ।