लमजुङ । महिला आपसी सहयोग केन्द्र अध्यक्षमा विमला भुजेलको नेतृत्वमा नयाँ कार्यसमिति चयन भएको छ । अधिकांश महिला सदस्य रहेको सो संस्थामा लामो समयपछि सर्वसम्मत नयाँ कार्यसमिति चयन भएको हो । समिति उपाध्यक्षमा मनकुमारी गुरुङ चयन भइन् ।

उक्त केन्द्रको यसपटकको मतदाता संख्या १ हजार २ सय ८७ थियो । केन्द्रमा विभिन्न क्षेत्रका ९ वटा उपसमिति आवद्ध छन् । ती समितिका संयोजक केन्द्रका पदेनसदस्य रहने व्यवस्था छ भने अध्यक्ष र उपाध्यक्षको खुला मतदानबाट निर्वाचन हुने प्रावधान छ । निर्वाचनका लागि बाबुराम अधिकारीको संयोजकत्वमा ५ सदस्यीय निर्वाचन समिति गठन गरिएको थियो ।

निर्वाचन समितिका अध्यक्ष अधिकारीको संयोजकत्वमा भएको भेलामा प्रमुख अतिथि राइनास नगरपालिका उपप्रमुख एवं महिला आपसी सहयोग केन्द्रका पूर्वअध्यक्ष धनकुमारी गुरुङ रहेकी थिइन् । सभा निवर्तमान अध्यक्ष सावित्री अधिकारीको अध्यक्षतामा भएको महिला आपसी सहयोग केन्द्रका कार्यक्रम संयोजक योगेश घिमिरेले जानकारी दिए ।