पोखरा । नेपालको पहिलो स्टयान्ड-अप ‘कमेडी च्याम्पियन’ को उपाधि हिमेश पन्तले जितेका छन् । काठमाडौंमा शनिबार भएको ग्रान्ड फिनालेमा हिमेशलाई नेपालको पहिलो कमेडी च्याम्पियन घोषणा गरिएको थियो ।

सो प्रतिष्पर्धामा सुमन कोइराला र खड्काबहादुर पुनलाई पछाडि पार्दै च्याम्पियन बनका हिमेशले २५ लाख नगदसहित कार समेत पुरस्कार प्राप्त गरेका छन् । विभिन्न राजनीतिक र सामाजिक विषयमा लजिकल रुपमा कमेडी गर्दै आएका उनलाई दर्शकले खुबै मन पराएका थिए । विभिन्न चरण हुँदै सुमन कोइराला, खड्काबहादुर पुन र हिमेश पन्त फाइनलमा पुगेका थिए । धादिङका स्थायी निवासी हिमेशले दर्शकको अत्यधिक मत पाएका थिए ।