पोखरा । लायन्स क्लब अफ पोखरा बिरौटा साझा चौतारीको आयोजनामा माइन्युट लेखन तथा उद्घोषण तालिम शुरु भएको छ ।तीन दिनसम्म चल्ने सो तालिमको लायन्स क्लब रिजन चेयरपर्सन दुर्गाकुमारी आचार्यले उद्घाटन गरिन् । क्लबका संस्थापक अध्यक्ष समेत रहेकी आचार्यले तालिममा सिकेका कुराले व्यक्तित्व तथा नेतृत्व विकासमा सहयोग पुग्ने विश्वास व्यक्त गरिन् ।

जोन चेयरपर्सन सीता पहारीले क्लबले आयोजना गरेको कार्यक्रमले सहभागीको आत्मविश्वास वृद्धि गर्नेमा जोड दिइन् । यस्ता खालका कार्यक्रमलाई निरन्तरता दिन अनुरोध गरिन् ।
क्लब अध्यक्ष सावित्रा पौडेलको अध्यक्षता भएको कार्यक्रममा कमिटी को–चेयर पर्सन रजनी कोइराला, क्लबका प्रथम उपाध्यक्ष रेखादेवी पौडेल, द्वितीय उपाध्यक्ष गीता पराजुली, तृतीय उपाध्यक्ष कल्पना अर्याल लगायतले बोलेका थिए ।तालिममा क्लबमा आबद्ध ३० जनाको सहभागिता रहेको छ । सञ्चारकर्मी रेनु थापा र शशी पौडेलले तालिममा सहजीकरण गर्ने क्लब सचिव प्रतिमा शर्माले बताइन् ।