पोखरा। गण्डकी प्रदेशसभा सचिवालयद्वारा अन्तर्राष्ट्रिय श्रमिक महिला दिवस अवसरमा शुभकामना आदानप्रदान कार्यक्रम भएको छ । कार्यक्रममा प्रदेशसभा सभामुख नेत्रनाथ अधिकारीले सुखी नेपाली, समृद्ध नेपाल निर्माण गर्न सबै प्रकारका विभेदरहित समाज निर्माणमा महिलाको भूमिका महत्वपूर्ण रहेको बताए ।

प्रमुख प्रतिपक्ष दलका नेता कृष्णचन्द्र नेपालीले संविधानमा महिलाहरुको अधिकार सुनिश्चित रहेको बताउँदै अब कार्यान्वयनमा लाग्नुपर्ने बताए । कार्यक्रममा विधायन समितिका सभापति मोहन रेग्मीले सकारात्मक परिवर्तनका लागि महिलाहरु सक्रिय रहेको बताउँदै महिला आन्दोलनबाट अधिकार प्राप्त भएको बताए । नेकपा सचेतक गायत्री गुरुङले विगतदेखि महिलाहरु विभेदमा रहेको बताउँदै नयाँ कार्यक्रममार्फत सरकारले विभेद अन्त्यका लागि सक्रिय रहेको बताइन् । कार्यक्रममा अधिवक्ता जूना गुरुङले कार्यपत्र प्रस्तुत गरेकी थिइन् ।गण्डकी प्रदेशसभाका उपसभामुख सृजना शर्माको अध्यक्षतामा भएको कार्यक्रमको सञ्चालन सृजना आचार्यले गरेकी थिइन् ।