फागुन । लायन्स क्लब अफ पोखरा बिरौटा साझा चौतारीको आयोजनामा आँखा परीक्षण शिविर सम्पन्न भएको छ ।क्लबले वार्षिक कार्यक्रमअन्तर्गत पोखरा–१७ बिरौटामा रहेको होलिल्याण्ड मन्टेश्वरीमा हिमालय आँखा अस्पतालको प्राविधिक सहयोगमा शिविर गरेको कार्यक्रम संयोजक गोमा कार्कीले जानकारी दिइन् ।

कमिटी चेयर पर्सन जितबहादुर थापाको प्रमुख आतिथ्यमा भएको कार्यक्रममा रिजन चेयरपर्सन दुर्गाकुमारी आचार्य, जोन चेयरपर्सन सीता पहारी, आँखा रोग विशेषज्ञ विनेष गौतम, क्लबका रेखादेवी पोखरेल, कल्पना अर्याल, विद्या पौडेल, आँखाको नियमित चेकजाँचका विषयमा बोलेका थिए ।क्लबका अध्यक्ष सावित्रा पौडेलको अध्यक्षतामा सम्पन्न भएको कार्यक्रममा मन्टेश्वरीमा अध्ययनरत विद्यार्थी, शिक्षक तथा अभिभावक गरी २ सय ४७ जनाको आँखा परीक्षण गरिएको क्लबका सचिव प्रतिमा शर्माले जानकारी दिइन् ।