लेखनाथ । पोखरा २९, पट्नेरी पुलचोकमा आयोजित श्रीमद्भागवत् धनधान्याचल महायज्ञ लक्ष्य बढी दान रकम संकलन गर्दै शनिबार समापन भएको छ ।महायज्ञमा लक्ष्यभन्दा बढी १ करोड ५ लाख ७६ हजार दान रकम संकलन भएको छ । जिन्सीतर्फ ७ मुरी धान, ३ मुरी चामल लगायत अन्य सामग्री संकलन भएको हो । आयोजकले १ करोड दान रकम संकलन गर्ने लक्ष्य राखेको थियो ।

अन्तिम दिन शनिबार पोखरा–२९, पुल्चोक निवासी मधुमाया अधिकारीले ५ लाख ३२ हजार ४ सय ८०, राष्ट्रिय परोपकार महासंघ नेपाल केन्द्रीय कार्यसमितिले अक्षयकोषका लागि ५ लाख ५५ हजार ५ सय ५५, पोखरा–२९ पुल्चोक निवासी नारायणराज आचार्यले १ लाख ११ हजार १ सय ११, प्रेरणा नौमती बाजा समूह पोखरा–२६ बूढीबजारले १ लाख ५ रुपैयाँ, पोखरा–३३ पानीटंकी निवासी धर्मराज अधिकारीले ५७ हजार, पट्नेरी निवासी रामप्रसाद सुनारले ५५ हजार ५ सय ५५, पट्नेरीका भक्तबहादुर बिकले ५५ हजार ५ सय ५५, पोखरा–२९ ठूलोखोरका भीमबहादुर सुनारले ५५ हजार ५ सय ५५, शंकरप्रसाद पौडेलले ५५ हजार ५ सय ५५, वडा २७ का अध्यक्ष पूर्णकुमार गुरुङले वडातर्फबाट ५० हजार र वडा ३० का अध्यक्ष श्रीराम पोख्रेलले वडातर्फबाट ५० हजार रुपैयाँ दान गरेका छन् ।

विभिन्न आमा समूहले महायज्ञको लागि भान, चामल, आलु, तरकारी, घीउ, तेल, दही लगायत सामग्री समेत दान गरेका छन ।महायज्ञ समापन समारोहलाई सम्बोधन गर्दै प्रमुख अतिथि पोखरा २९ का अध्यक्ष चेतबहादुर गुरुङ्गले विकासका लागि धार्मिक यज्ञबाट रकम जुटाउने काम प्रशंसनीय रहेको बताउँदा आगमी दिनमा पनि यस क्षेत्रको विकासका लागि वडाले प्राथमिकतामा राखेको बताए ।यस्तै, प्रमुख वाचक पण्डित कमलनयन गौतमले दानीलाई कहिल्यै हानी नहुने बताउँदै महायज्ञलाई सफल बनाउन हरेक क्षेत्रबाट अहोरात्र खटेर लाग्ने सम्पूर्णलाई आभार प्रकट गरेका थिए ।

कार्यक्रममा इलाका प्रशासन कार्यालय खुदी, ढुंगेपाटनका प्रमुख चित्राङ्गगत बराल, बुद्धिजीवीतर्फबाट चतुर्भुज पौडेल, वेगनासताल धार्मिक तथा पर्यटन विकास समितिका अध्यक्ष धु्रवनाथ अधिकारी, परोपकार महासंघ कास्कीका अध्यक्ष डिल्लीराम लामिछाने लगायतले बोलेका थिए ।महायज्ञ मूल संयोजक गंगा मल्लको अध्यक्षतामा सम्पन्न कार्यक्रममा विशिष्ट चन्दादाता चित्रबहादुर सुनारले स्वागत र परोपकार महासंघका उपाध्यक्ष विष्णुप्रसाद पौडेलले गरेका थिए ।