सन्तान प्राप्ति विश्वासमा जाग्राम

आदर्श समाज सम्वाददाता
फागुन १०, २०७६
ka

लमजुङ । मध्यनेपाल–७, करापुटारस्थित इशानेश्वर अर्थात् सन्तानेश्वर महादेव मन्दिरमा शिवरात्रिका अवसरमा भक्तजनको घुइँचो लागेको छ । इशानेश्वर महादेवको दर्शन गरी पूजाअर्चना गरे सन्तान नहुनेलाई सन्तान प्राप्त हुने विश्वास गरिन्छ ।

यसैबीच, मन्दिरमा ६५ हजार भक्तजनले महादेवको दर्शन गर्दै दूध चढाएका छन् भने शुक्रबार राति ठाडोबत्ती बाल्नेको संख्या १ हजार पुगेको छ ।मन्दिर परिसरमा महादेवको दर्शन गर्ने र दूध चढाउने भक्तजनको शुक्रबार बिहान ३ बजेदेखि भिड लाग्न थालेको इशानेश्वर मन्दिर क्षेत्र विकास समिति अध्यक्ष रामचन्द्र शास्त्रीले बताए । मन्दिर परिसरमा दुई दिने मेला लाग्ने परम्परा रहि आएको छ ।

उभिएर रातभर जाग्राम रहेर बत्ती बाल्ने कार्यलाई ‘ठाडोबत्ती बाल्ने’ भनिने मन्दिरका पूजारी सूर्यमणि सोतीले बताए । उनका अनुसार इशानेश्वर महादेवलाई सन्तानेश्वर पनि भनिन्छ । मन्दिरमा मूलतः रातको समयमा ठाडो बत्ती बालेमा सन्तान नहुनेका लागि सन्तान लाभ हुने विश्वास छ, उनले भने । यस्तै विश्वासमा महाशिवरात्रिको अवसर पारी लामो समय अघिदेखि सन्तान नभएका सयौं दम्पत्ति मन्दिर परिसरमा रातभरी जाग्राम रही ठाडोबत्ती बाल्ने तयारीमा छन् । रातभरी जाग्राम भई ठाडोबत्ती बालेमा सन्तान लाभको आकांक्षा राख्नेदम्पत्ति ठाडोबत्ती बाल्न लमजुङसहित विभिन्न जिल्लाबाट करापुटार आउने गर्दछन् ।

कुसुमाकर माविका शिक्षक एवम् ठाडोभाका लोककला प्रतिष्ठान नेपालका उपाध्यक्ष युवराज घिमिरेका अनुसार सन्तानको वरमाग्न मात्र हैन त्यसरी जन्मेका सन्तान ५, ७ वर्षको भए पछि ती बालबालिकालाई फेरि दर्शन गराउन ल्याउने चलन पनि छ । उनले भने, ‘नसक्नेहरूले बसेर पनि बत्ती बाल्ने गर्दछन् । उभिएर भन्दा बसेर बत्ती बाल्नेको संख्या सधैँ अनगिन्ति हुन्छ ।’ करापुटारस्थित इशानेश्वर महादेव मन्दिरलाई काठमाडौंका पशुपतिनाथपछिको दोस्रो महत्वपूर्ण मन्दिर तथा शक्तिपीठ मानिन्छ ।

Related News

सम्बन्धित समाचार

  • असुरक्षित टहरामा बस्न वाध्य सुरक्षाकर्मी

    आदर्श समाज सम्वाददाता चैत्र १५, २०८०
    ढोरपाटन । खिया लागेका जस्तापाता, उप्किएका भित्ता, धमिराले छियाछिया भएका झ्याल ढोका । छानामा ढुंगाहरूले प्लास्टिक अठ्याइएको छ । यो…
  • गण्डकी सरकारले २०८१ मा ३ दिन बिदा दिने

    आदर्श समाज सम्वाददाता चैत्र १५, २०८०
    पोखरा । गण्डकी प्रदेश सरकारले आउने वर्ष अर्थात् २०८१ सालमा ३ दिन बिदा दिने निर्णय गरेको छ । संघीय सरकारलेभन्दा…
  • किरिया बसेका दाजुभाइ परीक्षामा

    आदर्श समाज सम्वाददाता चैत्र १५, २०८०
    स्याङ्जा। किरियामा बसेका २ दाजुभाइ एसइईमा सहभागी भएका छन् । पुतलीबजार नगरपालिका ४ स्थित सरस्वती मावि परीक्षा केन्द्रबाट संगम क्षत्री…
  • सुरु भयो एसइई, ५ लाख ४ हजार ४ सय १४ विद्यार्थी सामेल

    आदर्श समाज सम्वाददाता चैत्र १५, २०८०
    पोखरा । माध्यमिक शिक्षा परीक्षा (एसइर्ई) बिहीबारदेखि सुरु भएको छ । चैत २७ गतेसम्म सञ्चालन हुने यस वर्षको एसइर्ई परीक्षाको…
  • बजेट अभावमा नगर अस्पतालको काम रोकियो   

    आदर्श समाज सम्वाददाता चैत्र १५, २०८०
    दमौली । बजेट अभावका कारण तनहुँको भिमाद नगरपालिका–६ मा निर्माणाधीन भिमाद अस्पतालको भवन निर्माण रोकिएको छ । भिमाद प्राथमिक स्वास्थ्य…

hero news full width