एनएमबि बैंकको वित्तीय साक्षरता कार्यक्रम

आदर्श समाज सम्वाददाता
फागुन १०, २०७६
IMG-20200221-WA0005

पोखरा, १० फागुन । एनएमबि बैंक लिमिटेडले आफना कर्मचारी तथा ग्राहकहरुको सहभागितामा पोखराका विभिन्न स्थानमा प्ले कार्ड सहित परिक्रमा गर्दै वित्तीय साक्षरता जागरण अभियान सम्पन्न गरेको छ ।

उक्त अभियानमा नगरवासीलाई बैंकसम्म पहुँच विस्तार गर्ने तथा वित्तीय सुधारका बिषयमा जनचेतना फैलाउने कार्य गरिएको छ । बचत गर्ने बानि बसालौं, तपाइँको बचत हाम्रो सुरक्षा, बैकिङ्ग सुबिधाको प्रयोग गरौं, आजको बचत भोलिको समृद्धिको आधार, आजको लगानी भोलिको सुनौलो बिहानी, समस्या पूर्व सूचना दिएर आउँदैन त्यसैले समयमै तयार रहौं, अबैध वित्तीय कारोवार नगरौं, नोट सफा राखौँ केरमेट नगरौँ जस्ता जनचेतना मुलक प्ले कार्ड सहित आह्वान गरिएको थियो ।

बिहान गण्डकी प्रदेश कार्यालय चिप्लेढुङ्गाबाट सुरु भएको उक्त अभियान न्यूरोड, सभा गृह, पृथ्वी चोक, नयाँबजार, महेन्द्रपुल, पालिखे चोक, नदीपुर, बगर, बिन्ध्यवासिनी, भैरव टोल हुँदै पुनः चिप्लेढुङ्गामै पुगेर बिसर्जन भएको थियो ।

उक्त अवसरमा बैंकको गण्डकी प्रदेशका प्रमुख गणेश पराजुलीले समृद्घ नेपालका लागी वित्तीय साक्षरताको महत्वमाथी प्रकाश पार्दै बैंकले आफ्नो संस्थागत सामाजिक उत्तरदायित्वको माध्यमबाट यस प्रकारको कार्यहरु गरिरहेको उल्लेख गरे । पोखरा महानगर र यसको आसपास क्षेत्रमा रहेका जनताहरुलाई प्रोत्साहन, सचेतना र सशक्तिकरण गर्ने उद्देश्यले आगामी दिनमा पनि बैंकले यस किसिमका कार्यक्रमहरु सञ्चालन गर्दै जाने बताएको थियो ।

सबै क्षेत्र र वर्गसम्म बैंकिङ्ग सेवाको पहुँच पुर्याउने उद्देश्यले एनएमबी बैंकले हाल देशभरि १६३ शाखा, १३१ एटीएमहरू, ५ एक्सटेन्सन काउन्टरहरू, ३००३ क्यूआर र ३५८ भन्दा बढी पोस मेसिन मार्फत उच्चस्तरीय बैंकिङ्ग सेवा प्रदान गर्दै आएको छ । बैंकले फाइनान्सियल टाइम्स लन्डनबाट सन् २०१७ र २०१८ मा लगातार दुई वर्षसम्म ‘बैंक अफ द इयर’ सम्मान प्राप्त गरेको छ ।

Related News

सम्बन्धित समाचार

  • असुरक्षित टहरामा बस्न वाध्य सुरक्षाकर्मी

    आदर्श समाज सम्वाददाता चैत्र १५, २०८०
    ढोरपाटन । खिया लागेका जस्तापाता, उप्किएका भित्ता, धमिराले छियाछिया भएका झ्याल ढोका । छानामा ढुंगाहरूले प्लास्टिक अठ्याइएको छ । यो…
  • गण्डकी सरकारले २०८१ मा ३ दिन बिदा दिने

    आदर्श समाज सम्वाददाता चैत्र १५, २०८०
    पोखरा । गण्डकी प्रदेश सरकारले आउने वर्ष अर्थात् २०८१ सालमा ३ दिन बिदा दिने निर्णय गरेको छ । संघीय सरकारलेभन्दा…
  • किरिया बसेका दाजुभाइ परीक्षामा

    आदर्श समाज सम्वाददाता चैत्र १५, २०८०
    स्याङ्जा। किरियामा बसेका २ दाजुभाइ एसइईमा सहभागी भएका छन् । पुतलीबजार नगरपालिका ४ स्थित सरस्वती मावि परीक्षा केन्द्रबाट संगम क्षत्री…
  • सुरु भयो एसइई, ५ लाख ४ हजार ४ सय १४ विद्यार्थी सामेल

    आदर्श समाज सम्वाददाता चैत्र १५, २०८०
    पोखरा । माध्यमिक शिक्षा परीक्षा (एसइर्ई) बिहीबारदेखि सुरु भएको छ । चैत २७ गतेसम्म सञ्चालन हुने यस वर्षको एसइर्ई परीक्षाको…
  • बजेट अभावमा नगर अस्पतालको काम रोकियो   

    आदर्श समाज सम्वाददाता चैत्र १५, २०८०
    दमौली । बजेट अभावका कारण तनहुँको भिमाद नगरपालिका–६ मा निर्माणाधीन भिमाद अस्पतालको भवन निर्माण रोकिएको छ । भिमाद प्राथमिक स्वास्थ्य…

hero news full width