लेखनाथ ।पोखरा–२७, परमार्थ नगर डाडाँकोनाकस्थित श्रीकृष्ण प्रणामी वृन्दावनधामलाई पोखरा–२९ का विभिन्न संघ–संस्थाले सहयोग गरेका छन् ।आश्रममा बसोबास गर्ने अनाथ बालबालिकाको सहयोगार्थ सैनिकवस्वी ग्रुप नं १ समाज, सैनिकवस्ती आमा समूह र शिव शिक्त आमा समूह ग्रुप नं १ ले बिहीबार एक कार्यक्रमबीच खाद्यान्न, फलफल तथा तरकारी सहयोग गरेका हुन् ।

आश्रम संचालक कला गुरुङ, आश्रम अध्यक्ष स्वामी विष्णुवशिष्ठलाई सो सामग्री हस्तान्तरण गरियो ।आश्रम अध्यक्ष स्वामी विष्णु वशिष्ठले सबैको साथ सहयोगले आश्रम संचालनमा सहयोग पुगेको र आगामी दिनमा पनि यस्तै प्रकारको सहयोग र सद्भावको खाचो रहेको बताइन् । आश्रम संचालक कला गुरुङले सहयोग गर्नेहरु कहिल्यै गरीब नहुने धारणा राखेकी थिइन् ।सोही अवसरमा सैनिक वस्ती ग्रुप नं. १ समाजका अध्यक्ष सुवेदार चन्द्रबहादुर गुरुङ, सैनिकवस्ती आमा समूहकी अध्यक्ष श्रीमाया गुरुङ र शिवशक्ति आमा समूह अध्यक्ष लक्ष्मी सुनारले आश्रममा रहेका अनाथ बालबालिकाको लागि आवश्यक पर्ने खाद्यान्न सहयोग गर्न पाउँदा खुसी लागेको बताए ।उत्त अवसरमा तिनैवटा समाज र समाजअन्तर्गतका सदस्यले पनि ब्यक्तिगत रुपमा खाद्यान्न, फलफूल, तरकारी तथा मरमसला सहयोग गरेका थिए ।