पोखरा ।पोखरा वडा–१, शंकरटोलस्थित पोखरा व्यावसायिक महिला क्लबले पर्वतको मोदी गाउँपालिका–१, सेरावेशीमा निःशुल्क आँखा शिविर गरेको छ ।क्लबले जर्मनीका माइकल बाउर र साथिहरुसँगै बाडेन बाडेनको सहयोग र हिमालय आँखा अस्पताल पोखराको प्राविधिक सहयोगमा शिविर गरेको हो ।

सेरावेसीमा नवज्योति थम मावि परिसरमा आयोजित शिविरमा ३ सय ८० जनाको आँखा परीक्षणसँगै औषधि वितरण गरिएको क्लब उपाध्यक्ष एवं शिविर संयोजक धनेश्वरी पराजुलीले जानकारी दिइन् । कार्यक्रममा क्लब सचिव इन्दु भट्टराई, सदस्य लक्ष्मी गुरुङ, कृष्णकुमारी गुरुङ र रजनी श्रेष्ठ, मोदी–१ का वडाध्यक्ष भोगबहादुर, नवज्योतिकी प्रअ मीना गुरुङ, विद्यालय ब्यवस्थापन समिति अध्यक्ष नवीन पौडेल लगायतको उपस्थिति थियो । कार्यक्रममा विद्यार्थीसँगै स्थानीयको उल्लेख्य सहभागिता थियो । क्लबले यसअघि गत पुसमा मोदी–७, राम्जाठाँटीस्थित पशुपति मावि र माघमा पोखरा–१५ स्थित परोपकार गुरुकुल आश्रममा निःशुल्क आँखा शिविर गरेको थियो ।