पोखरा । पोखरा २२ अन्तर्गत कालावाङ घरेडीस्थित घरेडी घोथाने १२ भाईका छोरी चेलीहरुको पहिलो भेलाले आगामि २ वर्षका लागि बुद्धिमाया गुरुङको अध्यक्षतामा ११ सदस्यीय कार्यसमिति चयन गरेको छ ।
समितिको उपाध्यक्ष बिना गुरुङ, सचिव शर्मिला गुरुङ, कोषाध्यक्ष सुष्मा गुरुङ, सहसचिव पूजा गुरुङ, सहकोषाध्यक्ष जौमाया गुरुङ छन् । सदस्यमा सुशीला गुरुङ, विजयलक्ष्मी गुरुङ, लक्षिणदेवी गुरुङ, फूलमाया गुरुङ र चुर्णकुमारी गुरुङ चयन भएका छन् ।

समितिको सल्लाहकारमा दुर्गा देवी (बज्यैनानी) गुरुङ, नन्दुसुवा गुरुङ, छल्वी गुरुङ, वसन्ती गुरुङ, हुमकुमारी गुरुङ छन्र । त्यस अवसरमा पोखरा २२ कालाबाङ घरेडी माइती भई विभिन्न गाँउ, जिल्ला, नेपाल लगायत विदेशमा बिवाह बन्धन बाँधिएर परिवारिक जीवन बिताइरहेका चेलीबीच परिचयसहित पारिवारिक नाता विषयक अन्तरक्रिया गरिएको थियो । सो कार्यक्रममा दुर्गादेवी गुरुङ (बज्यैनानी), शुष्मा गुरुङ, मीना गुरुङ, शर्मिला गुरुङ र रष्मिता गुरुङबीच पाँचौ पूस्ता एक आपसमा रहेको औपचारिक जानकारी गराईएको थियो ।

साथै भेलाले एकचेलीले अर्को चेलीमा भैपरि आउने दुःख, विरामी भै उपचार गर्न आर्थिक अभाव हुन नदिन तथा सामाजिक सद्भाव, जातीय एकता कायम गर्ने र माइतीमा दुःख पर्दा सहकार्य समन्वय गर्न कोष खडा गरेको भेलाका सहजकर्ता शि हुवा फू ताङका ईन्चार्ज यामबहादुर गुरुङले जानकारी दिए ।