गण्डकी प्रदेश सरकारले स्थापनाको दोश्रो बर्ष पुगेको अवसरमा वार्षिकोत्सव मनाएको छ । स्थानीय तहका जनप्रतिनिधि, संघीय र प्रदेशका सांसदहरु, प्रदेशका मन्त्री, कर्मचारी र नागरिक समाज समेतको उपस्थितिमा सरकारले आफुले गरेका उपलब्धि सहितको २ वर्षे फेहरिस्थ सार्वजनिक गर्यो । २ सय १४ बुँदामा सरकारले आफुले गरेका काम र प्रक्रियामा रहेका बिषयहरु उल्लेख गरेको हो । खासगरी संरचनागत पूर्णतामा केन्द्रित सरकारले अघिल्लो वर्षभन्दा आसलाग्दो गरी संघीयताको स्थायित्वको दावी गरेको छ ।
वार्षिकोत्सव कार्यक्रमलाई सम्बोधन गर्दै प्रदेश प्रमुख अमिक शेरचनले जनताको जीवनस्तर उकास्ने गरी दीर्घकालीन योजना बनाएर काम गर्न सरकारलाई सुझाए । ‘दुई वर्षमा सरकारले जसरी कुरा गरेर आएको छ । मुख्यमन्त्रीको नेतृत्वमा बनेको सरकारले त्यो पूरा गरोस् मेरो शुभकामना छ,’ उनले भने, ‘हाम्रो बीचमा कयौं समस्याहरु छन् । प्रदेशमा प्राकृतिक सम्पदालाई अझै उपभोग गर्न नसकेको देख्छु । धेरै खानीहरु छन् । त्यसको उपयोग भएको छैन । आफ्नै देशको कच्चा मालमा आधारित उद्योग स्थापना गर्न सके नेपालको अर्थतन्त्र नयाँ ढंगबाट अघि बढ्छ ।’
उनले हाल प्राप्त उपलिब्धकाे आधारमा आगामी कार्यक्रम तय गर्न आग्रह गरे । ‘जे उपलब्धि हासिल भएको छ । यसकै आधारमा संघीयताको ब्याख्या हुन्छ,’ उनले थपे, ‘सुशासन र भ्रष्टाचारमुक्त प्रदेश बनाउन सरकार र नागरिक स्तरबाट पनि अभियान चलोस् । यो ब्यवस्था सफल पार्ने काममा हाम्रो दायित्व सबैभन्दा धेरै छ ।’ विशाल चुनौती र चरम नागरिक अपेक्षाबीच गठन भएको सरकारले जनताका अपेक्षाअनुसार परिणाम दिन भने सकिरहेको छैन । सरकार हुँदाताका नागरिकमाझ गरिएका प्रतिबद्धता सामान्य बाहेक पूरा भएका छैनन् । पहिलो वर्ष भौतिक र कानूनी अभाव देखाएर पन्छिएको सरकारले दोश्रो वर्षपनि देखिने गरी काम गर्न सकेन । सरकार गठन भएकै दिन पहिलो बैठकबाट निर्णय भएका कामहरुमा सरकार सफल भएन । दुई वर्षभित्र प्रदेशलाई उज्यालो प्रदेश र स्वच्छ खानेपानी उपलब्ध गराउने निर्णय थियो । तर दुईवटै काम भर्खर सुरु भएको छ । यो बीचमा धेरै योजनाहरुको फाउण्डेशन तयार गरेको छ सरकारले । अहिले पनि धेरै पक्षबाट संघीय ब्यवस्थाप्रति नै आक्रोश र असफलताको पक्षमा तर्क वितर्क भईरहेका बेला सरकारले प्रदेश सरकारले गति लिएको दावी गर्दै गन्तब्यमा पुग्ने बताउँछ ।
केही दीर्घकालीन र अल्पकालीन योजना तयार भएको छ । समृद्ध प्रदेश, सुखी नागरिक निर्माण गर्ने योजना लिएर स्थापित सरकारले २०८०÷०८१ सम्म बहुआयामिक गरिवी ७ प्रतिशतमा झार्ने लक्ष्य छ । अहिले यो गरिबी १४.२ प्रतिशत छ । औषध वार्षिक बृद्धीदर १०.२ प्रतिशत पु¥याउने लक्ष्य साथ अल्पकालीन (५ बर्ष), मध्यकालीन (१२ बर्ष) र दीर्घकालीन (२५ बर्षे) रणनीति तयार गरेको छ । यस्तै, पञ्चवर्षिय विकास योजनाको आधारपत्र समेत सार्वजनिक भैसकेको छ । प्रदेशको नामाकरण र राजधानी टुंग्याएर देशमै दोश्रो बनेको गण्डकी विकास निर्माणमा भने अरुजस्तै हल मिलाएर हिडिरहेको छ ।
मुख्यमन्त्री पृथ्वीसुब्बा गुरुङले २ वर्षमा प्रदेश सरकारलाई जनताको माझमा लगेर आफ्नो अस्थित्व प्रस्तुत गरेको दावी गरे । दुई वर्षमा ३ वटा बजेट सार्वजनिक गरेको सरकारले आधा पनि रकम खर्चिन सकेन । पहिलो बजेट खर्चै नगरेको सरकारले दोश्रो बजेटको ६२ प्रतिशत खर्च गरेको छ । चालू वर्षमा हालसम्म १९ प्रतिशत बजेट खर्च भएको छ । सरकारले अरु प्रदेशभन्दा आफु अब्बल रहेको भन्दै नमूना प्रदेशको रुपमा स्थापित गराउने दावी गर्छ । तर संघ, प्रदेश र स्थानीय तहबीच समन्वय नहुँदा प्रदेश सरकारको अनुभूति जनस्तरसम्म पुग्न भने सकेको छैन ।
विशेष महत्वका साथ अघि सारिएको होमस्टे प्रबद्र्धन र मुख्यमन्त्री जलवायुमैत्री नमूना कृषिगाउँ कार्यक्रम सबैभन्दा विवादित भयो । अनुदानमा राजनीतिक आस्थाका आधारमा विभेद गरिएको र अनुदानबाट सही प्रतिफल नआएको भन्दै संसदमा लामो समय विरोध भयो । कार्यक्रममा मुख्यमन्त्री पृथ्वीसुब्बा गुरुङले संघ सरकारले अधिकार विकेन्द्रत गर्न थालेको भन्दै अव डमरुको रुपमा नरहेको दावी गरेका छन् । अघिल्लो वर्ष उनले स्थानीय तह र संघ सरकारमा मात्रै अधिकार केन्द्रित भएको तर प्रदेशमा नदिइएको भन्दै डमरु बनाईएको गुनासो गरेका थिए । ‘प्रदेश सरकार त मादल भैसक्यो नि डमरुबाट । पहिले जिल्लाबाट हुने काम अहिले अर्को जिल्लामा जानुपर्ने बाध्यता बनेपछि जनताले गुनासो धेरै गरेका थिए । अव जिल्लास्तरमै सबै कार्यालय स्थापना हुनेछ । जनताले सरकार छैन भन्दैनन्,’ उनले भने, ‘प्रदेशको काम जनताले नदेखेपछि डमरुजस्तो महशुस भएको थियो । अव धेरै विकासे काममा प्रदेश सरकार भेटिएको छ । जनताले हामीलाई छुन पाएका छन् । विकास उपभोग गर्न पाएका छन् ।’
पुल पुलेसा, सडक र भवन तथा पर्यटनका क्षेत्रमा गरिएको काममा जनताले प्रदेश सरकारको अस्थित्व भेट्न थालेको उनको तर्क छ । सँधै संघ सरकारले अधिकार नदिएको भन्दै आक्रोश ब्यक्त गरिरहने मुख्यमन्त्री गुरुङ जनस्तरमा सरकार पुगिसकेको बताउँछन् । ‘गतवर्षसम्म केन्द्रले अधिकार नदिँदा र धेरै काममा अंकुश लगाउँदा संघीयता सफल हुँदैन कि भन्ने शंका थियो । दोश्रो वर्ष पूरा गर्दासम्म अव प्रदेश सरकार बलियो भैसकेको छ । हामीले नगरी नहुने रहेछ,’ उनी भन्छन्, ‘स्थानीय र संघ सरकारको देखिने काम हुँदैन । विकासको मुख्य क्षेत्र त प्रदेश सरकार रहेछ । संघले नमान्दा नमान्दै पनि विकासको केन्द्र प्रदेश सरकार हो भन्ने स्थापित भएको छ ।’
संघले कानून नबनाईदिएका कारण साझा अधिकार सूचीका काममा बाधा परेको गुरुङले सुनाए । ‘प्रदेश सरकारको अधिकारबारे महशुस गराउन पनि संघ सरकारलाई धेरै समय लाग्यो । अव महशुस गरेको छ । संघीय शासनको मुल मर्म बोकेको सरकार हो प्रदेश । तर अझै पनि साझा अधिकार सूचीका कानून संघले नबनाउँदा हामी अलमलिएका छौं,’ उनले थपे, ‘३० औं वर्षअघि बन्नुपर्ने काम नबनेर अहिले प्रदेश सरकार आएपछि धमाधम भएको छ । जनताले आफ्नो माग पूरा भएको महशुस पनि गरिरहेका छन् । खै कहाँ छ प्रदेश सरकार भन्नेहरुलाई बलियो जवाफ दिन सक्ने भएका छौं ।’
सरकारका काम जनताले महशुस गर्न नसकेका बताउँछन् प्रतिपक्षी दलका नेता कृष्णचन्द्र नेपाली पोखरेल । ‘निराशाजनक भन्न मिल्दैन । तर जुन लक्ष्य र महत्वकांक्षाका साथ अघि बढ्ने प्रण सरकारले गरेको थियो । त्यो अनुसार अघि बढ्न सकेन । पेपरमा कार्यक्रम र नारा छन् । तर फिल्डमा जनताले त्यो महशुस गर्न पाएनन्,’ उनले भने, ‘शून्यबाट सुरु भएको संरचनामा साह्रै चर्को आलोचना गर्ने अवस्था बनिसकेको त छैन । तर दुई वर्षसम्मको उपलब्धि अव हामीले भन्ने होईन जनताले अनुभव गर्नुपर्छ । त्यो हुन सकेन ।’
पूर्वाधार क्षेत्रमा केही काम देखिए पनि स्वास्थ्य, शिक्षा लगायतका क्षेत्रमा केही काम नभएको उनको आरोप छ । ‘भौतिक पूर्वाधार मात्रै भएर हुँदैन । खासगरी पारदर्शिता र निश्पक्षता हुनुपर्छ । प्रतिपक्षी दल सालिन छ । यो ब्यवस्था टिकाउन हाम्रो पनि दायित्व छ, हामीले बुझेका छौं,’ उनले अघि थपे, ‘पहिले हाम्रो ड्युटी भनेको प्रदेशसभाको गरिमा जोगाएर राख्ने हो । प्रदेशसभाप्रति सरकारलाई उत्तरदायी र जवाफदेही बनाउने हो । विधिको शासनलाई कार्यान्वयन गराउन हामी सहयोग गर्छौं । सरकार पनि तयार रहनुपर्छ ।’ उनले विकास निर्माणको काममा प्रतिपक्षी दलसँग पनि समन्वय गर्नुपर्ने बताए ।
Related News
सम्बन्धित समाचार
हेमराज पहारी स्मृति पुरस्कारबाट सरुभक्त पुरस्कृत
गण्डकी प्रदेश सभाको बैठक अनिश्चितकालका लागि स्थगित
चोटिलो बन्दै गण्डकीको संसदीय राजनीति
पुरानो पोखरा जोगाउन पहल: मेयर आचार्य
सुदुरपश्चिममा सोडारी मुख्यमन्त्री नियुक्त
hero news full width
मुख्य समाचार
प्रेमील गजलकारको भावपूर्ण बिदाइ
अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
वैशाख ५, २०८१गण्डकी प्रदेश सभाको अधिवेशन आह्वान
वैशाख ५, २०८१गण्डकीमा अधिवेशन डाक्न सिफारिस, मुख्यमन्त्रीले विश्वासको मत लिँदै
वैशाख ५, २०८१दृष्टिविहीनलाई बाटो देखाउँदै गुगल
वैशाख ४, २०८१प्रकट पगेनी ‘शिव’ को निधन
वैशाख ४, २०८१