स्याङ्जा । भूमि ब्यवस्था, सहकारी तथा गरिबी निवारण मन्त्री पदमा अर्यालले चालु आर्थिक वर्षमा पनि पूँजीगततर्फको बजेट सन्तोषजनकरुपमा खर्च नभएकोमा चिन्ता ब्यक्त गरेकी छन ।
जिल्ला समन्वय समिति र जिल्ला प्रशासन कार्यालयको संयुक्त आयोजनामा बिहीवार आयोजित स्याङ्जा जिल्लाको विकास सम्बन्धी छलफल कार्यक्रमपछि सम्बोधन गर्दै मन्त्री अर्यालले भनिन् ‘बिकास बजेट खर्च नै नभई कसरी विकास र समृद्धि हुन्छ । पैसाको अभाव छैन, काम किन हुन सकेनन् ।’ बजेट छलफलपछि आफु झनै संवेदनशील बनेको बताउदै सबैको चाहना पुरा गर्ने योजना भन्दा आवश्यकतामुखी योजना पहिचान गर्दे सम्पन्न गर्न मन्त्री अर्यालको सुझाव छ । योजना प्रयाप्त भएको बताउदै उनले कार्यान्वयनमा उदासिनता देखिएको जनाईन । कार्यान्वयन गर्ने कर्मचारी र कर्मचारीसंगै जोडिएका जनप्रपतिनिधि, राजनीतिक दलहरु सबैको सहकार्य भएमा विकास निर्माणले गति लिनेमा उनको जोड छ ।
एउटै ब्यक्तिले धेरै विकासे योजना कब्जा गर्ने कार्यले विकासले गति लिन नसकेको बताइन । ‘प्रक्रियागत केही त्रुटीहरु पनि छन्’ उनले थपिन् ‘खरिद ऐन संशोधन अव एक बर्षभित्र सम्पर्कमा नआउने ठेकेदारसंगको सम्झौता तोडिन्छ ।’सबैको सहकार्य र एकताले मुलुकमा ठूल्ठूला राजनैतिक र ब्यवस्था परिवर्तन भएको जनाउदै सवै राजनीतिक दलको सहमति र एकताले फेरि मुलुकको समृिद्धमा जुट्नुको बिकल्प नरहेको मन्त्री अर्यालको भनाई छ । सबै जुटौं, नतिजा देखिनेगरी काम गरौं उनको आग्रह थियो ।
कार्यक्रममा जिल्ला समन्वय समितिका प्रमुख सीता सुन्दास, प्रमुख जिल्ला अधिकारी रामबहादुर कुरुम्वाङ, जिल्ला समन्वय अधिकारी विश्वप्रकाश अर्यालले चालु आर्थिक वर्षमा जिल्लामा भए गरेका विकास निर्माणका बारेमा जानकारी गराएका थिए । कालीगण्डकी ए जलबिद्युत केन्द्रका प्रमुख प्रशन्नमुनी ताम्राकार, कोष तथा लेखा नियन्त्रण कार्यालयका प्रमुख रामप्रसाद पुडासैनी, सडक डिभिजन कार्यालयका प्रमुख सुनीलबाबु पन्त, प्रदेश पूर्वाधार विकास कार्यालय प्रमुख शोभियत खडका, खानेपानी तथा सरसफाइ डिभिजन कार्यालयका प्रमुख प्रेमप्रसाद डोटेल लगायतले आ आफना कार्यालयका आयोजना, बजेट कार्यान्वयन तथा समस्याका बारेमा कार्यपत्र प्रस्तुत गरेका थिए ।
Related News
सम्बन्धित समाचार
गण्डकी मेडिकल कलेजमा वित्तीय साक्षरता
कास्कीका सहकारी पीडित एउटै मोर्चामा, बन्यो संयुक्त संघर्ष समिति
न्युरोडमा खुल्यो बेरी लाउन्ज एन्ड बार
गरिमा र टान गण्डकीबीच सम्झौता
न्युरोडमा खुल्यो बेरी लाउन्ज एन्ड बार
hero news full width
मुख्य समाचार
रोजगार खोज्दै मेलामा
कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१फेवातालमा दुर्घटनामा परेका ५ जनाको उद्धार
वैशाख ११, २०८१लोकतन्त्रका १८ वर्ष : लोकतन्त्रले छोएन लोकलाई
वैशाख ११, २०८१कामचलाउ सरकारको आयु लम्बियो
वैशाख ११, २०८१गण्डकी सरकारविरुद्दको मुद्दा हेर्दाहेर्दैमा, आज टुंगो लागेन
वैशाख १०, २०८१