पोखरा, माघ २२ (सुरज हजारे दाहाल) : हिजो हामीले पोखराको ध्वस्त सडकको हालत बारे भिडिओ तथा अंग्रेजी संस्करण्मा समाचार प्रसारण गरेका थियौं । चार महिनादेखि मर्मत सम्भार नगरिएको सडक खण्ड तथा खाल्डाखुल्डी मध्ये सबैभन्दा खतरनाक स्थल लेकसाइड जाने बुलौदीको ओरालोको सडक चार महिनापछि आज बल्ल सामान्य मर्मत गरिएको छ । सडक विभागले आज दिउँसो बुलौदी ओरालोको खाडल पुरेर पिच गरेको हाे ।
बुलौदी ओरालोको ध्वस्त सडक पिच गरिए पनि बाँकी ठाउँका खाल्डा कहिले पुरिने र सडक कहिले मर्मत गरिने हो त्यो भने हेर्न बाँकी नै छ । मेयर मानबहादुर जिसीले निर्वाचित भएको २४ घण्टाभित्रमा सडकका खाल्डाखुल्डी पुर्छु भनेका थिए तर पोखराका मुख्य सडकका खाल्डाखुल्डी नेपाल भ्रमण वर्ष २०२० शुरु भएको एक महिना पुग्दा समेत सामान्य टालटुल गरिएको छैन । महेन्द्रपुल स्थित माडवारी मिठाई पसल अगाडि करिब २ मिटर लम्बाई र १ मिटर चौडाईको खाल्डो छ । पिच थिचिदै गएर बनेको त्यो खाल्डो पुर्न महानगर तथा सडक डिभिजन दुबैको चासो छैन ।
स्थानीय आफैले माटो तथा ढुंगाले सो खाल्डो पुर्ने गरेका छन् तर माघे झरीले माटो बगाउँदा फेरि खाल्डो देखिएको छ । सोही खाल्डो देख्ने बित्तिैकै दुई पांग्रे साधानहरु खाल्डो छल्न धेरै दाहिने किनारबाट गुड्न खोज्दा विपरित दिशाबाट आएको सवारीसँग ठोक्किने सम्भावना बढी छ । यस्तै न्यूरोडमा बिचको लेन बाहेक देब्रे र दाहिनेतर्फका लेन ध्वस्त भएर गिटी र ग्र्याभेल देखिन्छन् । न्यूरोडको सबैभन्दा ध्वस्त हालत सभागृहका रहेको मिड टाउन अगाडिको सडकको छ । बसको पांग्रा भन्दा पनि ठूलो चौडाईको दुईवटा खाल्डा छन् । ति खाल्डामा स्कुटर र मोटरसाइकलका चालकलाई बढी खतरा छ । वर्षसँगै खाल्डाको आकार बढिरहेको छ ।
पर्यटकिय इलाका वडा नं ६ मा रहेको लेकसाइड पुग्नु अगाडि वडा नं ७ स्थित शान्तिनगरको दुबै लेनमा स्थानीयले पानीको पाइपको लागि खनेको खाल्डो नुपुरिदाँ खाल्डो गहिरिएको छ नै खाल्डाको चौडाई पनि बढेको छ । यि खाल्डोको छेउमै रहेको नहरले सडक ध्वस्त पारेको छ, जुन सधैको समस्या हो । लेकसाइड प्रवेश गर्दा आउने बुलौदीको ओरालोको ध्वस्त सडकले भिजिट नेपाल २०२० अभियानलाई गिज्याइरहेकोकमा आज बल्ल मर्मत गरिएको छ । अंग्रेजी वर्षको स्वागत गर्न मनाइएको सडक महोत्सको बेला समेत बुलौदीको ओरालो सडक मर्मत गरिएको थिएन ।
यस्तै लेकसाइडको हल्लनचोकबाट पामे जाने सडकको रातो माटो डाँडाको घुम्ति कटेपछि आउने सडक भासिएको महिनौं भइसक्यो । डाँडाको किनारदेखिको एक तिहाइ पिच सडक भास्सिएर तालतिर खसेको महिनौं बित्दा पनि मर्मत गरिएको छैन । खुट्टाले हल्का थिच्ने बित्तिकै पिचको डिल भत्किने उक्त कमजोर सडक खण्ड ६ पांग्रे सवारी साधनको लागि निकै खतरा छ । दुई पांग्रे र कार डाँडातिरबाट गए पनि बस तथा ट्रक भने कुनै पनि बेला भारले गर्दा भासिएर तालतिर खसेर दुर्घटना हुने खतरा छ । बेलैमा ढुंगामा तार जाली लगाएर बाटो नबनाए पामेतर्फको सडक नै विच्छेद हुने देखिन्छ ।
Related News
सम्बन्धित समाचार
कामचलाउ मुख्यमन्त्री अधिकारी विश्वासको मत लिने तयारीमा
बजेटमाथि बहुवर्षे योजनाको चाप : दायित्व पौने १६ अर्ब
गण्डकीको वर्ष ८० : प्रदेश तहमाथि प्रश्न थपिएको वर्ष
खगराज अधिकारी : पहिला १२ बाट ७ मा झारे, अहिले उनैले सत्तामा टिक्न मन्त्रालय फुटाए
जिल्ला अध्यक्षमा हारेका अधिकारी मुख्य न्यायाधिवक्ता
hero news full width
मुख्य समाचार
पुरानो पोखरा जोगाउन पहल: मेयर आचार्य
सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
वैशाख ५, २०८१गण्डकी प्रदेश सभाको अधिवेशन आह्वान
वैशाख ५, २०८१गण्डकीमा अधिवेशन डाक्न सिफारिस, मुख्यमन्त्रीले विश्वासको मत लिँदै
वैशाख ५, २०८१