पोखरा १४ पुस । प्रथम मादी डान्स आइडलको उपाधि मादी ८ की सोफी शाहीले जितेकी छन् ।उपाधिसँगै सोफीले नगद १ लाख पुरस्कार, ट्रफी र प्रमाणपत्र तथा म्युजिक भिडियोमा अवसर पाएकी छन् ।
एक वर्षसम्म आइडल भत्ता बापत मासिक २ हजार रुपैयाँका दरले थप २४ हजार पाउने छन् । कास्कीको मादी गाउँपालिकाभित्रका १२ वटा वडाका नयाँ प्रतिभाको खोजी गरी उनीहरुको प्रतिभा विश्वसामु चिनाउन सहयोग पु¥याउने उद्देश्यले प्रतियोगिता सञ्चालन भएको थियो ।
आइडलमा मादी गाउँपालिका वडा नम्बर २ का प्रतियोगी नम्बर १४१ अर्पिता गुरुङ फष्ट रनरअप हुन सफल भएकी छन् । उपाधिसँगै अर्पिताले नगद ५० हजार पुरस्कार, ट्रफी, प्रमाणपत्र र म्युजिक भिडियोमा अवसर पाएकी छन् । यस्तै वडा नम्बर २ कै प्रतियोगी नम्बर १३२ कुसुम गुरुङ सेकेन्ड रनरअप हुन सफल भएकी छन् । उपाधिसँगै कुशुमले नगद २५ हजार ट्रफी, प्रमाणपत्र र म्युजिक भिडियोमा अवसर पाएकी छन् ।
प्रतियोगी नम्बर १३९ शशीमाया गुरुङले उत्कृष्ट भेषूुषाको उपाधि तिजेकी छन् । उपाधिसँगै उनले नगद ५ हजार र ट्रफी प्राप्त गरेकी छन् । प्रतियोगितामा उत्कृष्ट नृत्यनिर्देशकको उपाधि निरज राईभाट र कमल गुरुङले जितेका छन् । यस्तै मादी वडा नम्बर २ का ललित गुरुङलाई नगद ३ हजार सहित प्रोत्साहन पुरस्कारले सम्मान गरिएको छ । प्रतियोगिताको फाइनलिष्ट २० जनालाई नै नगद ३ हजार सहित प्रमाण–पत्र प्रदान गरिएको थियो भने आदिम कला मञ्चको तर्फबाट छ महिनाको निःशुल्क नृत्य प्रशिक्षणको मौका र ट्रफी प्राप्त गरेका छन् । गत वैशाख महिनाबाटै गाउँपालिकाको विभिन्न वडाहरुमा गएर वडा अध्यक्षको रोहबरमा १ देखि १२ सम्म १२ वटा आईडलको अडिशन सञ्चालन गर्त उपसमितिहरु गठन भएको थियो भने भदौ १ बाट पहिलो चरणको अडिशन शुरु भएको थियो ।
आदिम कला मञ्चले आयोजना गरेको कार्यक्रममा मादी गाउँपालिकाले सहकार्य गरेको थियो । कार्यक्रममा मादी गाउँपालिकाले आगामी २०७६ साल वैशाख १ देखि १० गतेसम्म आयोजना हुने क्रपु महोत्सवको प्रमोशनल डकुमेन्ट्री समेत प्रदर्शन गरिएको थियो । कार्यक्रमलाई सम्बोधन गर्दै प्रमुख अतिथि मादी गाउँपालिकाका अध्यक्ष वेदबहादुर गुरुङ (श्याम)ले यस्ता खाले प्रतियोगिताले नयाँ प्रतिभाको पहिचान मात्र नभई मादी गाउँपालिकाकै शान उच्च भएको बताए । साथै उनले गाउँपालिकाले आयोजना गर्न लागेको क्रपु महोत्सवमा सबैले आ आफनो तर्फबाट सक्दो सहयोग गर्न अपिल समेत गरे ।
कार्यक्रमका सभाध्यक्ष एवम् आदिम कला मञ्चका निर्देशक लब्सन गुरुङले सबैको साथ र सहयोग आफनो मेहेनतले असंभव लागेको कामलाई पनि संभव तुल्याउन आफहरु सफल भएको भन्दै सबै सहयोगीहरुलाई आभार व्यक्त गरे । कार्यक्रममा मादीका १२ वटै वडा अध्यक्ष तथा सदस्यहरु मादी गाउँपालिका सबै कर्मचारीहरु लगायत मादीका सबै वडाका स्थानीयको सहभागिता थियो । आदिम कला मञ्चका निर्देशक लब्सन गुरुङको अध्यक्षतामा भएको कार्यक्रमको सञ्चालन पूर्व मिस तमूस्यो निशा गुरुङ र यकिन गुरुङले सञ्चालन गरेकी थिइन् ।
Related News
सम्बन्धित समाचार
असुरक्षित टहरामा बस्न वाध्य सुरक्षाकर्मी
गण्डकी सरकारले २०८१ मा ३ दिन बिदा दिने
किरिया बसेका दाजुभाइ परीक्षामा
सुरु भयो एसइई, ५ लाख ४ हजार ४ सय १४ विद्यार्थी सामेल
बजेट अभावमा नगर अस्पतालको काम रोकियो
hero news full width
मुख्य समाचार
एमाले कास्कीमा को-को निर्वाचित ? (अन्तिम मतपरिणामसहित)
एमाले कास्की अध्यक्षमा बैनबहादुर विजयी
चैत्र १४, २०८०तनहुँ र चितवनलाई जोड्ने ठिमुरामा पक्की पुल
चैत्र १४, २०८०बाँदरसँग आजित किसानले गुहारे कानुन मन्त्री, भन्छन् : बाँदर मार्ने कानुन बनाइदेउ
चैत्र १४, २०८०एमाले कास्कीमा नयाँ नेतृत्वका लागि मतदान
चैत्र १३, २०८०कास्की कारागारमा आँखा शिविर, १ सय ८८ जनाको आँखा परीक्षण
चैत्र १३, २०८०