ओखलढुङ्गामा जीप दुर्घटना, १ को मृत्यु, ३ घाइते

rss रासस
माघ १३, २०७६

ओखलढुङ्गा, १३ माघ । ओखलढुङ्गामा सोमवार बिहान सवारी दुर्घटना हुँदा १ को मृत्यु भएको छ भने चालकसहित अन्य ३ जना गम्भीर घाइते भएका छन् । चम्पादेवी गाउँपालिका–५ को सिद्धडाँडामा सोमवार बिहान बोलेरो जीप दुर्घटना हुँदा सोही ठाउँका ५५ वर्षीय सन्तोष विश्वकर्माको घटनास्थलमै ज्यान गएको हो ।

गाउँबाट बिरामी लिएर ओखलढुङ्गा सदरमुकामस्थित मिसन अस्पताल आउँदै गरेको बा २१ च ७३६१ नम्बरको बोलेरो आज बिहान ६ः३० बजेको समयमा दुर्घटना हुँदा विश्वकर्माको घटनास्थलमै ज्यान गएको जिल्ला प्रहरी कार्यलय ओखलढुङ्गाका प्रहरी निरीक्षक श्रीप्रसाद राईले जानकारी दिए।

दुर्घटनामा ज्यान गुमाएका विश्वकर्मा आफैँ पनि बिरामी थिए । दुर्घटनामा परेर चालक सोही ठाउँका जीतबहादुर बस्नेत, मृतक विश्वकर्माकी छोरी कल्पना र स्थानीय अमिता बुढाथोकी गम्भीर घाइते भएका छन् ।
घाइतेको अवस्था गम्भीर रहेकाले स्थानीयको सहयोगमा प्रहरीले उद्धार गरेर अस्पताल लैजाने तयारी गरेको जिल्ला प्रहरी कार्यालय ओखलढुङ्गाले जनाएको छ । बोलेरो सिद्धडाँडाबाट करिब ५०० मिटर तल खसेर गोपेखोला पुगी दुर्घटनाग्रस्त भएको छ । साँघुरो सडकका कारण अनियन्त्रित भई बोलेरो दुर्घटना भएको हुनसक्ने प्रहरीको प्रारम्भिक अनुमान छ ।

तपाइको विचार व्यक्त गर्नुहोस्

हाम्रो सुझाव

नवलपरासीको दुर्घटनामा एक जनाको मृत्यु

मालेका महासचिव मैनाली चढेको गाडी दुर्घटना

चितुवाको आक्रमणबाट बालक गम्भीर घाइते

फेवातालमा बेपत्ता लुइटेल मृत भेटिए

पोखराको फेवातालमा डुबेर एक बेपत्ता, २ को उद्धार

प्रमुख समाचार

राष्ट्रपति भण्डारीद्वारा उग्रताराको दर्शन