पोखरा । पोखरामा जारी गण्डकी प्रदेशस्तरीय मुख्यमन्त्री कप फुटबल प्रतियोगिताको सेमिफाइनल समिकरण पूरा भएको छ ।
पोेखराको लेखनाथस्थित भण्डारढिक खेल मैदानमा जारी प्रतियोगिताको आइतबार लिग अन्तर्गतको अन्तिम ३ खेलको समाप्तिसँगै सेमिफाइनल समिकरण पूरा भएको हो । सेमिफाइनलका लागि समूह ‘ए’ बाट नवआदर्श युवा क्लब कास्की विजेता र त्रिवेणी युवा क्लब लमजुङ उपविजेता बन्दै सेमिफाइनलमा स्थान बनाएका छन् ।
चार टिम सम्मिलित समूह ‘ए’ बाट अपराजित रहँदै कास्कीको नव आदर्श युवा क्लबले ९ अंक जोडेर सेमिफाइनल यात्रा तय गरेको हो । त्यस्तै, लमजुङले ३ खेलबाट २ जित र १ हार सहित ६ अंक बटुलेर सेमिफाइनलका लागि स्थान बनाएको हो ।
उक्त समूह ‘ए’ मा रहेको बौद्ध हिमाल क्लब गोरखा र डाँफे युवा क्लब मनाङ भने जारी प्रतियोगितामा १/१ अंक बटुलेर लिग चरणबाटै बाहिरिएका छन् । समान ३/३ खेल खेलेको दुबै टोलीले यसअघिको खेलहरुमा हार ब्यहोरेको थियो । आइतबारको अन्तिम दुई खेलमा भने दुबै टोलीले बराबरी खेल्दै समान १/१ अंक बाँडेका थिए ।
त्यस्तै, समूह ‘बी’ बाट स्याङ्जाको होराइजन युथ क्लब विजेता र तनहुँको भिमाद फुटबल क्लब उपविजेता बन्दै सेमिफाइनल पुगेको हो । यस समूहबाट स्याङजाको होराइजन युथ क्लब र तनहुँको भिमाद फुटबल क्लबले समान ९/९ अंक जोडेपनि गोल संख्याको आधारमा स्याङ्जाको टिम समूह विजेता र तनहुँको टोली उपविजेता बनेको हो । तनहुँको भिमाद फुटबल क्लबको भन्दा स्याङ्जाको होराइजन युथ क्लबको खातामा २ गोल बढि छ ।
प्रतियोगिता अन्तर्गत सोमबारदेखि सेमिफाइनलका खेलहरु हुनेछन् । सोमबार समूह ‘ए’ को विजेता नवआदर्श युवा क्लब कास्की र समूह ‘बी’ उपविजेता तनहुँको भिमाद फुटबल क्लबबीच पहिलो सेमिफाइनल खेल हुनेछन् । त्यस्तै, समूह ‘बी’ को विजेता स्याङ्जाको होराइजन युथ क्लब र लमजुङको त्रिवेणी युवा क्लबबीच दोस्रो सेमिफाइनल खेल खेल्नेछन् ।
प्रतियोगिता अन्तर्गत आइतबार भएको अन्तिम लिग खेलमा म्याग्दी जिल्ला खेलकुद समितिले बागलुङ फुटबल क्लबलाई ४–० ले पराजित ग¥यो । म्याग्दीको जितमा निशान गुरुङले २१ र ३० औं मिनेटमा २ गोल गरे । त्यस्तै, सन्तोष गुरुङले ४२ र विश्वास थापाले ५५ औं मिनेटमा गोल गरे ।
जित निकालेर लिगमा ६ अंक बटुलेपनि समूह ‘बी’ मा रहेको म्याग्दीले सेमिफाइनलमा पुग्न स्याङजा र तनहुँलाई भेट्न सकेन । पाँच समूह सम्मिलित यस समूहबाट समान ६ अंक बनाएर नवलपुरको गैडाकोट खेलकुद विकास समिति समेत लिग चरणबाट बाहिरिएको छ । यसै समूहबाट कुनैपनि अंकको खाता खोल्नै नपाई बागलुङ जिल्ला खेलकुद समिति पनि लिग चरणबाटै बाहिरिएको छ ।
आइतबार नै लिग अन्तर्गत समूह ‘ए’ अन्तिम खेलमा गोरखा र मनाङले १–१ को बराबरी खेल्दै लिगमा समान १/१ अंकको खाता खोले । डाँफे युवा क्लब मनाङका लागि सुमन गुरुङले ७६ औं र गोरखाका सुदीप लामाले लगत्तै ७७ औं मिनेटमा गोल गरे ।
समूह ‘बी’ अन्तर्गत नै आइतबार भएको अन्तिम लिग खेलमा स्याङ्जाको होराइजन युथ क्लबले तनहुँको भिमाद फुटबल क्लबलाई १–० ले हराउँदै तनहुँसँगको अंक बराबरी गरेको थियो । स्याङ्जाका लागि २१ औं मिनेटमा शरदकुमार क्षत्रीले निर्णायक गोल गरेका थिए ।
Related News
सम्बन्धित समाचार
तनहुँको फ्रेन्डसीप क्लबलाई फुटबल उपाधि
लेखनाथ हाफ म्याराथनमा आर्मीका सञ्जय च्याम्पियन
वडा ४ ले जित्यो अध्यक्ष कप फुटबल
ढोलाहिटीलाई फुटबल उपाधि
बुद्ध विशालको फुटसल प्रतियोगिता
hero news full width
मुख्य समाचार
हेमराज पहारी स्मृति पुरस्कारबाट सरुभक्त पुरस्कृत
गण्डकी प्रदेश सभाको बैठक अनिश्चितकालका लागि स्थगित
वैशाख ७, २०८१चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१