पोखरा ।गएको माघ ३ देखि अन्नपूर्ण संरक्षण क्षेत्र आयोजनाको म्याद सकियो । मनास्लु संरक्षण क्षेत्रको म्याद पनि धेरै बाँकी छैन । यता पञ्चासे संरक्षण क्षेत्र पनि गण्डकी प्रदेशमै पर्छ । तीनवटै क्षेत्र राष्ट्रिय प्रकृति संरक्षण कोषले रेखदेख र उपभोग गर्दै आएको छ । गण्डकी प्रदेश सरकारले ती क्षेत्र आफूलाई हस्तान्तरण गर्न केन्द्र सरकारसँग माग गरेको छ ।
मन्त्रिपरिषद्को विहीबार बसेको बैठकले एक्याप, एमक्याप र पञ्चासे संरक्षण क्षेत्र प्रदेश सरकारलाई दिन आग्रहसहितको पत्र पठाउने निर्णय गरेको हो । तर संरक्षित क्षेत्र सञ्चालनको कुनै आधार भने प्रदेश सरकारले तयार गरेको छैन । ‘अहिले हामीले मागेका छौं । केन्द्र सरकारले दियो भने सञ्चालन ऐन बनाएर अघि बढौंला,’ सरकारका प्रवक्ता रामशरण बस्नेत भन्छन्, ‘अहिले चलेकोभन्दा व्यवस्थित हुन्छ । आम्दानी गर्ने गरी प्रदेशले चलाउँछ ।’
यस्तै, पोखराको रत्नमन्दिर, हिमागृह र नेपाल ट्रष्टको नाममा रहेका अन्य जग्गाहरु समेत प्रदेश मातहतमा दिन सरकारले पत्र पठाएको छ । सबै सम्पत्ति अधिकार स्वीकृति दिन आग्रह गरिएको बस्नेतले बताए । मन्त्रिपरिषद् बैठकले गण्डकी प्रदेशका थप ५ वटा स्थानीय तहमा औेद्योगिक ग्राम स्थापनाका लागि अनुदान उपलब्ध गराउने निर्णय गरेको छ । बागलुङको ताराखोला गाउँपालिका, पर्वतको बिहादी गाउँपालिका, स्याङ्जाको वालिङ र पुतलीबजार नगरपालिका तथा अर्जुनचौपारी गाउँपालिकालाई ५४ लाख ५० हजारका दरले अनुदान दिइने र पहिलो चरणमा सबैलाई २७ लाख २५ हजारका दरले निकासा दिने निर्णय भएको सरकारले जनाएको छ ।
यो वर्ष ११ वटा स्थानीय तहमा औद्योगिकग्राम स्थापना गरिने र तत्काल सबै डकुमेण्ट पु¥याएर अनुदान मागेका ५ स्थानीय तहलाई रकम निकासा दिने निर्णय भएको प्रवक्ता बस्नेतले बताए । प्रदेश सरकारले ८५ वटै स्थानीय तहमा औद्योगिकग्राम स्थापना गर्ने निर्णय गरेको छ ।
सरकारले प्रदेश दुग्ध विकास बोर्डको शेयर खरिद गर्ने निर्णय पनि गरेको छ । भुमि व्यवस्था, कृषि तथा सहकारी मन्त्रालयको प्रस्तावमा गण्डकी काउ फार्मको नामबाट सरकारले ५१ प्रतिशत शेयर कायम हुने गरी ११ करोड लगानी गर्ने निर्णय गरेको हो । यसका लागि बजेट समेत व्यवस्था गरिसकिएको छ । सरकारले दुग्ध विकास बोर्ड सञ्चालनका लागि नवौंस्तरको अधिकृतलाई सदस्य सचिव नियुक्त गरिसकेको छ । बोर्ड गठन प्रक्रिया विस्तारै अघि बढाउने मन्त्रालयले जनाएको छ । मन्त्रिपरिषद् बैठकले प्रदेश विकास समिति सम्बन्धि विधेयकको मस्यौदा तयार गर्न सैद्धान्तिक सहमति दिइएको छ ।
वार्षिकोत्सव मनाउने, कर्मचारी सम्मान गर्ने
सरकार स्थापना भएको २ वर्ष पुगेको अवसरमा गण्डकी प्रदेशले वार्षिकोत्सव मनाउने तयारी गरेको छ । यसका लागि आर्थिक मामिला तथा योजना मन्त्री किरण गुरुङको संयोजकत्वमा उत्सव तयारी र व्यवस्थापन समिति गठन गरेको हो । समितिमा आन्तरिक मामिला मन्त्री हरिबहादुर चुमान र भौतिक पूर्वाधार विकास मन्त्री रामशरण बस्नेत सदस्य छ भने सबै मन्त्रालयका सचिवहरु पनि सदस्य छन् । समितिले वार्षिकोत्सव मनाउन आवश्यक खर्च र कार्यक्रम ढाँचाको व्यवस्थापन मिलाउने छ ।
सोही अवसरमा कर्मचारी सम्मानको तयारी पनि छ । यो वर्ष सम्मानित हुने कर्मचारी छनौटका लागि प्रदेशका प्रमुख सचिवको संयोजकत्वमा ५ सदस्यीय समिति गठन गरिएको छ । समितिको सदस्यमा पूर्व सह सचिव नरहरि बराल, आर्थिक मन्त्रालय र आन्तरिक मामिला मन्त्रालय तथा मन्त्रिपरिषद् कार्यालयका सचिव सदस्य रहने गरी समिति बनाइएको हो ।
Related News
सम्बन्धित समाचार
सुदुरपश्चिममा सोडारी मुख्यमन्त्री नियुक्त
प्रेमील गजलकारको भावपूर्ण बिदाइ
अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
गण्डकी प्रदेश सभाको अधिवेशन आह्वान
गण्डकीमा अधिवेशन डाक्न सिफारिस, मुख्यमन्त्रीले विश्वासको मत लिँदै
hero news full width
मुख्य समाचार
दृष्टिविहीनलाई बाटो देखाउँदै गुगल
प्रकट पगेनी ‘शिव’ को निधन
वैशाख ४, २०८१कामचलाउ मुख्यमन्त्री अधिकारी विश्वासको मत लिने तयारीमा
वैशाख ४, २०८१फेरि बढ्यो पेट्रोल, डिजेल र मट्टितेलको भाउ
वैशाख ३, २०८१अन्नपूर्ण क्षेत्रमा भित्रिए ९ महिनामा १ लाख ४४ हजार पर्यटक
वैशाख ३, २०८१झण्झटिलो प्रशासनिक सेवा र भ्रष्टाचार विकासका बाधकः राष्ट्रपति
वैशाख ३, २०८१