पोखरा महोत्सवमा विविध प्रस्तुति

आदर्श समाज सम्वाददाता
माघ ९, २०७६
chess winner photo finle

पोखरा ।पोखराको अमरसिंहचौरमा जारी १० औं संस्करणको पोखरा महोत्सव नवौं दिनसम्म आइपुग्दा दर्शकको उल्लेख्य सहभागिता रहेको छ ।

बुधवार महोत्सवमा पछिल्लो समय निकै चर्चामा रहेको लोकदोहोरी गायिका ज्योति मगरको प्रस्तुतिले दर्शक तानेको थियो । ज्योतिसँगै जीवन दाहाल, माया गुरुङ, राजन कार्की, शंकर पन्त, ईश्वर सिंह, लक्ष्मी नेपाली, मधु चापागाई लगायतको प्रस्तुतिमा दर्शकले प्रशस्त मनोरञ्जन लिए ।

तरेली सांस्कृतिक परिवारको लोक संस्कृतिक झल्कने बिहानी नृत्यसँगै महोत्सवमा गुरुङ जातिको मृत्यु संस्कारमा आयोजना गरिने चुरेभुमे तप्राङ तमु समाजको छ्याडु नाचको प्रस्तुतिले दर्शकको मन जित्न सफल रह्यो । बुधबार साँझ लाइभ कन्सर्टमा भारत कोलकत्ताका गायक अर्को मुखर्जीले पोखराका झलकमान गन्धर्र्वको गीतलाई आफ्नै तरिकाले प्रस्तुति गर्नुका साथै नेवारी गीतको माध्यमबाट युवापुस्तालाई मनोरञ्जन प्रदान गरे । मुखर्जीसँगै स्थानीय ड्रिमर्जको समेत सो समयमा प्रस्तुति थियो ।

यस्तै, महोत्सवमा जारी विद्यालयस्तरीय लोकनृत्य प्रतियोगितामा कास्की मोर्डनाइज्ड र बहादुरे मावि फाइनल चरणमा प्रवेश गरेको छ । कालिका मावि प्रतियोगितामा पराजित भयो भने बालकल्याणको अनुपस्थितिमा बहादुरे मावि फाइनलमा प्रवेश ग¥यो ।बिहीबार लोकदोहोरीतर्फ राजु परियार, चोलेन्द्र पौडेल, सुरेन्द्र गुरुङ, मञ्जु बिक, टेक क्षेत्री, अमर धिताल, रमा राना, पूजा गुरुङ, प्रकाश बराल, विनोद रामदाम लगायतको प्रस्तुति रहने आयोजकले जनायो । कार्यक्रममा हास्य कलाकार राजा राजेन्द्र पनि देखिनेछन् । कन्सर्टतर्फ सविन राई एण्ड फेरोह र स्थानीय आत्मसर्गको प्रस्तुति रहने छ ।
महोत्सवमा रक्तसमूह छुट्याउने, सुगर र किड्नी परीक्षणमा निःशुल्क र रगतको अन्य जाँचमा ५० प्रतिशत छुट व्यवस्था मिलाइएको छ । यस्तै, शिक्षामूलक ‘कखरा’ बृत्तचित्र समेत निःशुल्क प्रदर्शनी गरिएको आयोजक युनाइटेड क्लबले जनायो । महोत्सव माघ १० सम्म चल्नेछ ।

Related News

सम्बन्धित समाचार

hero news full width