सांसद मनाङेले कुटे मिलनलाई

आदर्श समाज सम्वाददाता
माघ ८, २०७६
dipak

पोखरा, ८ माघ । गण्डकी प्रदेश सांसद राजीव गुरुङ (दीपक मनाङे) ले खेलमैदानमै उग्र स्वभाव देखाएका छन् । उनले पोखराको लेखनाथमा मंगलबार शुरु मुख्यमन्त्री कप लिग फुटबल प्रतियोगिता–२०७६ मा आयोजक एन्फा कास्की अध्यक्षमाथि नै हातपात गरेका हुन् ।

दिउँसो प्रतियोगिता उद्घाटन हुनुपूर्व सांसद मनाङेले एन्फा कास्की अध्यक्ष मिलन गुरुङलाई लात्ती र मुक्का प्रहार गरेका थिए । ‘शुरुवातमा सांसद मनाङले मिलनलाई धकेले । पछि लात्तीले हाने । त्यसपछि टाउकोमा निशाना गरेको मुक्का मिलन तर्किदा उनको कुममा लाग्न पुग्ग्यो,’ प्रत्यक्षदर्शीले भने, ‘सोक्रममा मिलनले प्रतिकार गरेनन्, यसपालि चाहिँ संयमता अपनाए ।’ सांसदद्वारा आयोजक एन्फा अध्यक्षमाथि नै मुक्का प्रहार हुनुको मुख्य कारण भने आयोजकले मनाङी टिमका खेलाडीको व्यवस्थापनमा चासो नभएको भनिएको छ ।

सांसद मनाङेले प्रतियोगितामा मनाङबाट भाग लिएको टिमको खानपान, बसोबास तथा खेल तयारी व्यवस्थापनमा एन्फा कास्की अध्यक्षले चासो नदिएको हुँदा पिटेको स्वीकारे । यता, मिलन गुरुङले गेम बिफोर (अगाडि) र गेम अफ्टर (पछाडि) एक दिनको व्यवस्थापन गर्न सकिने तर एक साताअघि देखि आफूहरुले टिमको लागि खर्च गर्न नसक्ने बताए । मुख्यमन्त्री कपको लागि माघ ८ मा मात्र मनाङी टिमको खेल रहे पनि सो टोली माघ ५ देखि नै पोखरा आएको बताइएको छ । सो टिममा खेलाडी, म्यानेजर र प्रशिक्षकसहित २० जना छन् ।

यसैबीच, एन्फा कास्की अध्यक्ष मिलनले नियम नै नभएको कुरा गर्ने सांसदजस्तो जिम्मेवारी व्यक्तिबाटै आफूमाथि हातपात भएको भन्दै मंगलबार साँझ जिल्ला प्रहरी कार्यालयमा सांसद मनाङेलाई विपक्षी बनाइ उजुरी दिएको बताएका छन् । बिनाकारण आफूमाथि हात भएको भन्दै उनले अब कानूनी कारबाही गर्ने आदर्श समाज दैनिकलाई बताए ।

उता, लेखनाथको भण्डारढिक खेल मैदानमा भएको खेलको मुख्यमन्त्री पृथ्वीसुव्वा गुरुङले उद्घाटन गरेका छन् । ९ टिमले भाग लिएको प्रतियोगितामा विजेता टिमले नगद ५ लाख र उपविजेताले ३ लाख सहित ट्रफी, मेडल र प्रमाणपत्र प्राप्त गर्ने छन् । प्रतियोगितामा सहभागी हुने टिमलाई टिम तयारीस्वरुप नगद ५० हजार समेत प्रदान गरिएको आयोजकले जनाएको छ । प्रतियोगितामा वेष्ट डिफेन्स, वेष्ट गोल किपर, वेष्ट मिड फिडफिल्ड, उत्कृष्ट प्रशिक्षक र सर्वाधिक गोलकर्तालाई जनही पाँच हजार रुपैयाँ पुरस्कार स्वरुप प्रदान गरिने छ । प्रतियोगिता माघ १४ सम्म चल्नेछ । गण्डकी प्रदेश सरकारको ४० लाख रुपैयाँ आर्थिक सहयोग गरेको प्रतियोगिता सम्पन्न गर्न १ करोड १ लाख खर्च हुने अनुमान आयोजकको छ ।

Related News

सम्बन्धित समाचार

  • असुरक्षित टहरामा बस्न वाध्य सुरक्षाकर्मी

    आदर्श समाज सम्वाददाता चैत्र १५, २०८०
    ढोरपाटन । खिया लागेका जस्तापाता, उप्किएका भित्ता, धमिराले छियाछिया भएका झ्याल ढोका । छानामा ढुंगाहरूले प्लास्टिक अठ्याइएको छ । यो…
  • गण्डकी सरकारले २०८१ मा ३ दिन बिदा दिने

    आदर्श समाज सम्वाददाता चैत्र १५, २०८०
    पोखरा । गण्डकी प्रदेश सरकारले आउने वर्ष अर्थात् २०८१ सालमा ३ दिन बिदा दिने निर्णय गरेको छ । संघीय सरकारलेभन्दा…
  • किरिया बसेका दाजुभाइ परीक्षामा

    आदर्श समाज सम्वाददाता चैत्र १५, २०८०
    स्याङ्जा। किरियामा बसेका २ दाजुभाइ एसइईमा सहभागी भएका छन् । पुतलीबजार नगरपालिका ४ स्थित सरस्वती मावि परीक्षा केन्द्रबाट संगम क्षत्री…
  • सुरु भयो एसइई, ५ लाख ४ हजार ४ सय १४ विद्यार्थी सामेल

    आदर्श समाज सम्वाददाता चैत्र १५, २०८०
    पोखरा । माध्यमिक शिक्षा परीक्षा (एसइर्ई) बिहीबारदेखि सुरु भएको छ । चैत २७ गतेसम्म सञ्चालन हुने यस वर्षको एसइर्ई परीक्षाको…
  • बजेट अभावमा नगर अस्पतालको काम रोकियो   

    आदर्श समाज सम्वाददाता चैत्र १५, २०८०
    दमौली । बजेट अभावका कारण तनहुँको भिमाद नगरपालिका–६ मा निर्माणाधीन भिमाद अस्पतालको भवन निर्माण रोकिएको छ । भिमाद प्राथमिक स्वास्थ्य…

hero news full width