क्याम्पस प्रमुखको कक्षमा तालाबन्दी

Avatar आदर्श समाज सम्वाददाता
माघ ६, २०७६

पोखरा, ५ माघ । पृथ्वीनारायण क्याम्पस पोखराका प्रमुख डा. चन्द्रबहादुर थापाको कार्यकक्षमा आइतबार आंशिक शिक्षक संघले तालाबन्दी गरेको छ ।

आंशिक शिक्षकहरुको संघले करार सेवामा नियुक्त गर्न हालसम्म कुनै पनि कदम नचालेको आरोपमा तालाबन्दी गरेका हुन् । पुस २९ गतेदेखि आन्दोलनरत संघले आंशिक प्राध्यापकहरुको समस्यालाई समाधान गर्न क्याम्पसले कुनै ठोस कदम नचालेको कारण तालाबन्दी गर्नुपरेको आंशिक प्राध्यापक संघका अध्यक्ष सुनील गौतमले बताए ।

यसअघि क्याम्पस सहायक प्रमुखहरुको कार्यकक्षमा तालाबन्दी गरी ज्ञापनपत्र पेश गरेको गौतमले जानकारी दिए । क्याम्पस प्रशासनले विगत १४ वर्षदेखि अध्यापनरत प्राध्यापकहरुलाई सामान्य मजदुरको भन्दा कम ज्यालादारीमा काम गराइरहेको छ , गौतमले भने । क्याम्पसमा कूल कक्षाभारको करिब ६० प्रतिशत अध्यापनमा आंशिकहरुको योगदान रहेको बताइएको छ , गौतमले भने –अत्यन्त न्यूनस्तरमा क्याम्पसले व्यवहार गर्दा अन्तर्राष्ट्रिय श्रम नियमको खिल्ली उडाएको छ, चरणबद्ध आन्दोलन गरिरहेको संघले माग सुनुवाई नभए क्याम्पस प्रशासनको मूलद्वार र कक्षा बहिष्कार गर्ने छौ ।

संघका सचिव खिमानन्द पौडेलले आंशिक जनशक्तिले अधिक कक्षाभार लिने र क्याम्पस प्रशासनले उत्कृष्ठ क्याम्पसको सम्मान थाप्ने काम अमिल्दो भएको टिप्पणी गरे । ‘आंशिकहरुलाई दुई छाक टार्नै गाह्रो भएपछि आन्दोलनमा उत्रन बाध्य भयौं, आन्दोलन हाम्रो रहर होइन’ उनले भने । हाल २ सय १४ आंशिक प्राध्यापकहरु विभिन्न संकायमा कार्यरत छन् । संघले समस्या समाधानार्थ पहल गरिदिन र आन्दोलनमा ऐक्यवद्धता जनाइदिन विभिन्न प्राध्यापक संघ, स्ववियु सरोकारवाला निकायसँग अपीलसमेत गरेको छ ।

तपाइको विचार व्यक्त गर्नुहोस्

हाम्रो सुझाव

हिमालय माविको ४८ औं वार्षिकोत्सव

शीतलाको ६२ औं वार्षिकोत्सव

आध्यात्मिक शिक्षामा जोड

शिवालय मावि अध्यक्षमा सुवेदी

प्रमुख समाचार

रवीन्द्र स्मृति दिवस मनाइयो

थप प्रमुख समाचार

मालेका महासचिव मैनाली चढेको गाडी दुर्घटना

मगर दिवसमा बिरामीलाई फलफूल वितरण