पोखरा । आयोजक भ्याली स्पोर्ट्स क्लब सेतोले तेस्रो अमन गुरुङ स्मृति सेभेन ए साइड फुटबल प्रतियोगिताको उपाधि जितेको छ ।
पोखरा महानगरपालिका–१५, कोलपाटनको रेम्बो एकेडेमी होम्स्को खेल मैदानमा शनिबार भएको फाइनल खेलमा एलजी एशोसियसनलाई २–० गोलले पराजित गर्दै आयोजक सेतोले उपाधि जितेको हो ।
उपाधिसँगै उसले १ लाख ५० हजार, शिल्ड, मेडल तथा प्रमाणपत्र हात पारेको छ । उपविजेता एलजी एशोसिएसनले ७५ हजार सहित शिल्ड, मेडल तथा प्रमाणपत्रमा चित्त बुझाएको छ ।
बिजेता तथा उपबिजेता टिमलाई राष्ट्रिय खेलकुद परिषदका सदस्य राजेशकुमार गुरुङ, एन्फाका उपाध्यक्ष कृष्ण थापा, कास्की जिल्ला फुटबल संघ (एन्फा) अध्यक्ष मिलन गुरुङ, प्रयोजकलगायतले पुरस्कार वितरण गरेका थिए ।
भ्यालीको जितमा घनश्याम तामाङ र अजय श्रेष्ठ नायक बने । घनश्यामले खेल शुरु भएको ३ मिनेटमा गोल गर्दै आयोजकलाई अग्रता दिलाएका थिए । आयोजकको लागि दोस्रो गोल खेलको ३६ औ मिनेटमा अजय श्रेष्ठले गरेका थिए ।
यसअघि, शनिबार नै भएको सेमिफाइनलमा एलजीले सँगम एफसी र आयोजक भ्यालीले गार्डेन एफसीलाई हराउँदै फाइनलमा स्थान बनाएका थिए ।
आयोजक भ्याली स्पोर्टस् सेतोका अजय श्रेष्ठ प्रतियोगिताको सर्वोत्कृष्ट खेलाडी घोषित भए । अजयले १२ हजार रुपैयाँ प्राप्त गरे । सोही क्लबकै सुनिल गोदामे सर्वाधिक गोलकर्ता बने । सुनिलले ७ हजार रुपैयाँ प्राप्त गरे । उनले प्रतियोगिता अवधिभर ९ गोल गरेका थिए ।
सो अवसरमा बोल्दै प्रमुख अतिथि समेत रहेका राखेप सदस्य राजेश गुरुङले बिजयी टिमलाई बधाई दिए । गुरुङले भ्यालीले आगामी दिनमा समेत प्रतियोगितालाई निरन्तरता दिन आग्रह गरे । उनले आगामी दिनमा हुने प्रतियोगितालाई आफूले सक्दो सहयोग गर्ने प्रतिबद्धता जनाए । उनले पोखरा रंगशाला निर्माणपछि सेभेन ए साइडको समस्या समाधान हुने धारणा राखे ।
कास्की जिल्ला फुटबल संघ (एन्फा) अध्यक्ष मिलन गुरुङले सेभेन ए साइड फुटबललाई हेप्ने गरेको टिप्पणी गरे । संघभित्रको विकृतिले गर्दा फुटबल खेलको विकास नभएको उनको धारणा थियो । पहिले संघमा बल समेत नदिने प्रवृत्ति निकै मौलाएको अवस्थामा पछिल्लो समय खेल सामग्री संघले काठमाडौ लिन जान नपरेको उनले धारणा राखे ।
उक्त प्रतियोगितामा फुटबल खेलको विकासमा निरन्तर लागेका भन्दै सेभेन ए साइड महासंघका अध्यक्ष नविन पुनलाई सम्मान समेत गरिएको आयोजकले जनाएको छ ।
Related News
सम्बन्धित समाचार
आर्वामा भलिबल प्रतियोगिता हुने
अर्जुन कार्कीलाई एनसेल बाह्रखरी गल्फको उपाधि
पोखरामा बाह्रखरी गल्फ प्रतियोगिता सुरु
सूर्यतारा (नेकोस) खेल महोत्सवमा विविध प्रतियोगिता
पोखरा इन्डूरो रेस लक्षित गरी मार्सल तालिम
hero news full width
मुख्य समाचार
पोखराको काहुँडाँडामा भीषण आगलागी
बागलुङको निसीखोलामा बस दुर्घटना हुँदा ७ को मृत्यु, २० घाइते
चैत्र ५, २०८०मनाङेले लिए मन्त्रीको सपथ, टिक्ला पाण्डे सरकार ?
चैत्र ५, २०८०दीपक मनाङेलाई भाैतिक मन्त्रालय
चैत्र ५, २०८०चौथो पटक मन्त्री बन्दै दीपक मनाङे, आजै शपथ खुवाउने तयारी
चैत्र ५, २०८०सुन तस्करीमा संलग्न रहेको आरोपमा माओवादी उपाध्यक्ष कृष्णबहादुर महरा कपिलवस्तुबाट पक्राउ
चैत्र ५, २०८०