पोखरा । भ्याली स्पोर्ट्स क्लब रामबजारको आयोजनामा जारी तेस्रो अमन गुरुङ स्मृति सेभेन ए साइड फुटबल प्रतियोगिताको सेमिफाइनल समिकरण पूरा भएको छ ।
प्रतियोगिता अन्तर्गत अन्तिम चारमा गार्डेन एफसी, सँगम क्लब आयोजक सेतो र एलजी एशोसिएसन प्रवेश गरेको छ ।
पोखरा महानगरपालिका–१५ कोलपाटनको रेम्बो एकेडेमी होम्स्को खेल मैदानमा शुक्रबार भएको क्वाटरफाइनलका खेलबाट जित निकाल्दै सेमीफाइनलमा प्रवेश गरेको हो ।
पहिलो क्वाटरफाइनलको खेलमा गार्डेन एफसीले बुद्धटोल युवा क्लबलाई १–० गोल अन्तरले पराजित गर्दै गार्डेन अन्तिम चारमा प्रवेश ग¥यो । गार्डेनको जितका लागि ‘म्यान अफ दी म्याच’ बनेका मुकेश श्रेष्ठले १८ औं मिनेटमा निर्णायक गोलको योगदान दिए । बुद्धटोलले खेल अवधिभर पाएको अवसरलाई सदुपयोग गर्न नसक्दा क्वाटरफाइनलबाटै बाहिरियो ।
दोस्रो खेलमा संगम क्लबले आयोजक पहेँलोलाई २–० गोल अन्तरले हराउदै सेमिफाइनलको यात्रा तय ग¥यो । संगमको जितमा सुमित श्रेष्ठले २८ औं मिनेटमा र टंकप्रसाद गुरुङले ३८ औं मिनेटमा समान १÷१ गोल गरे । उक्त खेलबाट ‘म्यान अफ दी म्याच’का रुपमा सुमित श्रेष्ठ पुरस्कृत भए । तेस्रो क्वाटरफाइनल खेलमा आयोजक टिम सेतोले युनाइटेड क्लबमाथि ६–१ को फराकिलो जित निकाल्दै अन्तिम चारको स्थान सुरक्षित ग¥यो ।
आयोजकको जितमा टिम कप्तान समेत रहेका अजय श्रेष्ठले पहिलो गोल १२ औं मिनेटमा र अर्काे गोल ३४ औं मिनेटमा गरे । त्यस्तै, दिनेश राजबंशीले ३१ औं मिनेटमा १ गोलको योगदान दिए । सुनिल गोतामेले खेलको ११, ३९ र ४० औं मिनेटमा ३ गोल गर्दै ह्याट्रिक पूरा गरे । सो खेलबाट आयोजकका टिम कप्तान अजय श्रेष्ठ ‘म्यान अफ दी म्याच’को हकदार बने ।
यसअघि खेलको १५ औं मिनेटमा युनाईटडका अभिषेक श्रेष्ठले सान्त्वना १ गोल फर्काएका थिए । एलजी एशोसियसन र तारा एफसीबीच भएको अन्तिम क्वाटरफाइनल खेल निर्धारित समयमा गोलरहित भएपछि ट्राइबेकरमा एलजीले २–१ गोलले जित निकाल्यो ।
उक्त खेलबाट एलजीका गोलरक्षक आकाश रानाभाट ‘म्यान अफ दी म्याच’बाट पुरष्कृत बने । प्रतियोगिताको सेमिफाइनल खेल शनिबार बिहान र फाइनल खेल दिउँसो १ बजे हुने प्रतियोगिता संयोजक विश्व तण्डुकरले जानकारी दिएका छन् ।
Related News
सम्बन्धित समाचार
तनहुँको फ्रेन्डसीप क्लबलाई फुटबल उपाधि
लेखनाथ हाफ म्याराथनमा आर्मीका सञ्जय च्याम्पियन
वडा ४ ले जित्यो अध्यक्ष कप फुटबल
ढोलाहिटीलाई फुटबल उपाधि
बुद्ध विशालको फुटसल प्रतियोगिता
hero news full width
मुख्य समाचार
हेमराज पहारी स्मृति पुरस्कारबाट सरुभक्त पुरस्कृत
गण्डकी प्रदेश सभाको बैठक अनिश्चितकालका लागि स्थगित
वैशाख ७, २०८१चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१