पोखरा । आगामी फागुनको २ गतेदेखि नेपाली चलचित्र ‘लभ डायरिज’ प्रदर्शनमा आउने भएको छ ।

प्रेम कथामा आधारित चलचित्रको टिजर सार्वजनिक भएसँगै प्रदर्शन मिति पनि तय भएको हो । टिजरमा फिल्मका मुख्य दुई पात्र सुशील श्रेष्ठ र रुबिना थापाबीचको प्रेम, रोमान्स र विछोडलाई देखाइएको छ ।

विनोद सापकोटाले निर्माण गरेको फिल्ममा सुशील र रुबिनासँगै विश्वजित रिमालको समेत मुख्य भूमिका छ । मधु बास्तोलाले चलचित्रको कथा र पटकथा लेखेका हुन् ।

चलचित्रको निर्देशन सौरभ चौधरीले गरेका छन् । चलचित्रमा शाहिल खान सह–निर्देशक छन् । फिल्म संजय लामाले छायांकन गरेका हुन् । मिलन श्रेष्ठ र दीर्घ खड्काले चलचित्रको छायांकन गरेका हुन् । अर्जुन पोखरेलले चलचित्रमा संगीत भरेका छन् ।