‘लप्पन छप्पन–२’ को टिजर सार्वजनिक

Avatar आदर्श समाज सम्वाददाता
माघ ३, २०७६

पोखरा । चलचित्र ‘लप्पन छप्पन–२’ को अफिसियल टिजर सार्वजनिक गरिएको छ ।

चलचित्रको आगामी बैशखको १२ गतेदेखि रिलिज मिति तोकिएको छ । चलचित्रको टिजरमा फिल्मका केही मुख्य अंश समेटिएका छन् । १ मिनेट २३ सेकेण्ड लामो टिजरमा एक्सन दृश्यले प्राथमिकता पाएको छ । कलाकारहरुको एक्सन र पैसाको चलखेलको बिषयवस्तुमा चलचित्र निर्माण भएको टिजरमा देखाइएको छ ।

मुकुन्द भट्टको निर्देशन रहेको चलचित्रमा शिव श्रेष्ठ, सौगात मल्ल, अर्पण थापा, अनुपविक्रम शाही, गोविन्द शाही, प्रकाश कुँवर, दीपक क्षत्री, नविन मानन्धर, विशाल पहारी, किशोर भट्ट, सरिता गिरी, एञ्जल श्रेष्ठ, अनिल खनाल, राजेन्द्र बिष्टलगायतका कलाकारको अभिनय छ । यस चलचित्रबाट शक्ति श्रेष्ठ, केरोलिन कोलिन्डा, सुपर गुरुङ, आना ढकाल, श्रीजना सिना, रन्जीत ओन्ता लगायतले अभिनयमा डेब्यु गर्दैछन् ।

खिलेन्द्रराज तिमल्सिनाले चलचित्र प्रस्तुत गरेका छन् । पुरुषोत्तम प्रधानले चलचित्रको छायांकन गरेका हुन् ।

चलचित्रमा शम्भुजित बाँस्कोटा, राजेन्द्र भट्ट (एमआरआरजे), दीपक आरजे र बुलेट फ्लोले संगीत भरेका छन् ।

चलचित्रमा किङ योगी र दिलिप ओकेधाको कोरियोग्राफी रहेको छ । हिमाल केसी र निर्देशक भट्टको चलचित्रमा एक्सन रहेको छ । मिलन श्रेष्ठले चलचित्रको सम्पादन गरेका हुन् । सुरज अधिकारी र प्रजापति सिवाकोटी चलचित्रको कार्यकारी निर्माता हुन् ।

तपाइको विचार व्यक्त गर्नुहोस्

हाम्रो सुझाव

सुटिङस्थल योजना सेलायो

नेशन जिताउन समिति

गिरीको अध्यक्षतामा चलचित्र पत्रकार संघ कास्की गठन

प्रमुख समाचार

राष्ट्रपति भण्डारीद्वारा उग्रताराको दर्शन