साल्मेडाँडाको गोर्खा समाधि निर्माणले गति लिने

आदर्श समाज सम्वाददाता
माघ ३, २०७६
20200116_155525 (1)

पोखरा, २ माघ । ब्रिटिसतर्फबाट भारत स्वतन्त्र हुनु अघि हजारौं गोर्खाहरुले विश्वको विभिन्न युद्धभूमिमा जीवन बलिदान गरे । उनीहरुकै सम्झनामा गोर्खा स्मारक ट्रष्टद्वारा स्याङ्जाको फेदीखोला–१, साल्मेडाँडामा गोर्खा समाधि निर्माणाधीन छ । तर रकम अभावमा समाधि निर्माण दू्रतगतिमा अघि बढ्न सकेको छैन ।

चार अर्ब बढी रुपैयाँको गुरुयोजना तयार पारी निर्माण अगाडि बढाइएको भए पनि समाधिको काम केही प्रतिशत मात्र सकिएको छ । सन् १८१४ पछि विश्वका विभिन्न भूमिमा मारिएका गोर्खाको सम्झनामा निर्माणाधीन समाधि गेसोभित्रको विवादकै कारण ३ वर्षदेखि अलपत्र छ । समाधि निर्माण गर्नेक्रममा गोर्खा भूतपूर्व सैनिक, उनका आफन्त, सहयोगदाताको चन्दा सहयोगमा समाधि निर्माण हुँदैआएको थियो । तर २०७३ सालदेखि विवादले निर्माण अलपत्र परेको छ ।

समाधि निर्माणलाई दू्रतगतिमा अगाडि बढाउन गोर्खा स्मारक ट्रष्टमा हालै कार्यसमिति गठन भएको छ । समिति अध्यक्षमा डब्लुओटु जंगबहादुर गुरुङ, उपाध्यक्ष आनबहादुर गुरुङ, सचिव डा चन्द्रबहादुर गुरुङ, कोषाध्यक्ष रत्ना भट्टचन र सहसचिव जंगबहादुर गुरुङ (भण्डारढिक) छन् । सदस्यमा पूरनध्वज गुरुङ, लालकुमारी गुरुङ, गजिन्द्र गुरुङ, खरीकुमारी गुरुङ, राजकुमार (वीरबहादुर) गुरुङ र जसबहादुर गुरुङ छन् ।

नयाँ कार्यसमितिले विहीवार पोखरामा पत्रकार भेटघाट कार्यक्रम गरेको थियो । कार्यक्रममा सचिव डा चन्द्रबहादुर गुरुङले ट्रष्टमा अब गेसो पूर्व अध्यक्ष पदमबहादुर गुरुङ र कृष्णकुमार राई संलग्न नरहेको स्पष्ट पारे । समाधि निर्माणमा पदमबहादुर गुरुङले हालसम्म २० करोड रुपैयाँ खर्च भएको भने तापनि काम हेर्दा ३/४ करोड रुपैयाँभन्दा बढीको काम नभएको आरोप नयाँ पदाधिकारीको छ ।नयाँ पदाधिकारीले जनस्तरबाट हाल १ करोड २१ लाख रुपैयाँ उठेको जानकारी दियो । यसमध्ये ५५ लाख रुपैयाँ नेपाल सरकारले खानेपानीको लागि उपलब्ध गराएको हो । वर्तमान पदाधिकारीले आर्थिक पारदर्शिताका लागि खर्च विवरण र संघसंस्थाले प्रदान गरेको सहयोग रकम जुनसुकै बेला पनि हेर्न सकिने गरी राखिएको जानकारी ट्रष्ट अध्यक्ष जंगबहादुर गुरुङले दिए ।

समाधि निर्माण प्रयोजनका गोर्खा भूपू र उनका शुभेच्छुकको भेलाले अलपत्र समाधि निर्माण अघि बढाउने निर्णय ग¥यो । जसअनुसार गोर्खा समाधि साल्मेडाँडा निर्माण समिति र बेलायतमा गोर्खा हेरिटेज ट्रष्ट स्थापना गरी संकलित चन्दाले समाधिको केही काम अघि बढाइएको जानकारी अध्यक्ष गुरुङले दिए ।२ वर्षअघि संघीय सरकारको शहरी विकास मन्त्रालयले समाधि निर्माणमा ५ करोड रुपैयाँ छुट्याइदिएको र सोही रकम अनुसार गजेन्द्र कन्ट्रक्सनले काम गरिरहेको दिइयो ।ट्रष्ट अध्यक्ष जंगबहादुर गुरुङको अध्यक्षतामा भएको कार्यक्रममा उपाध्यक्ष आनबहादुर गुरुङले स्वागत मन्तव्य राखेका थिए ।यस्तै, सचिव डा चन्द्रबहादुर गुरुङले प्रेस विज्ञप्ति वाचन र कार्यक्रम संचालन अविनास गुरुङले गरेका थिए ।

Related News

सम्बन्धित समाचार

  • असुरक्षित टहरामा बस्न वाध्य सुरक्षाकर्मी

    आदर्श समाज सम्वाददाता चैत्र १५, २०८०
    ढोरपाटन । खिया लागेका जस्तापाता, उप्किएका भित्ता, धमिराले छियाछिया भएका झ्याल ढोका । छानामा ढुंगाहरूले प्लास्टिक अठ्याइएको छ । यो…
  • गण्डकी सरकारले २०८१ मा ३ दिन बिदा दिने

    आदर्श समाज सम्वाददाता चैत्र १५, २०८०
    पोखरा । गण्डकी प्रदेश सरकारले आउने वर्ष अर्थात् २०८१ सालमा ३ दिन बिदा दिने निर्णय गरेको छ । संघीय सरकारलेभन्दा…
  • किरिया बसेका दाजुभाइ परीक्षामा

    आदर्श समाज सम्वाददाता चैत्र १५, २०८०
    स्याङ्जा। किरियामा बसेका २ दाजुभाइ एसइईमा सहभागी भएका छन् । पुतलीबजार नगरपालिका ४ स्थित सरस्वती मावि परीक्षा केन्द्रबाट संगम क्षत्री…
  • सुरु भयो एसइई, ५ लाख ४ हजार ४ सय १४ विद्यार्थी सामेल

    आदर्श समाज सम्वाददाता चैत्र १५, २०८०
    पोखरा । माध्यमिक शिक्षा परीक्षा (एसइर्ई) बिहीबारदेखि सुरु भएको छ । चैत २७ गतेसम्म सञ्चालन हुने यस वर्षको एसइर्ई परीक्षाको…
  • बजेट अभावमा नगर अस्पतालको काम रोकियो   

    आदर्श समाज सम्वाददाता चैत्र १५, २०८०
    दमौली । बजेट अभावका कारण तनहुँको भिमाद नगरपालिका–६ मा निर्माणाधीन भिमाद अस्पतालको भवन निर्माण रोकिएको छ । भिमाद प्राथमिक स्वास्थ्य…

hero news full width