लाहाचोकमा प्रदेशस्तरीय फुटवल शुरु

Avatar आदर्श समाज सम्वाददाता
माघ १, २०७६

पोखरा । माछापुच्छे« त्रिशक्ति युनाइटेड क्लव माछापुच्छे«–४, लाहाचोकको आयोजनामा बुधवारदेखि गण्डकी प्रदेश क्लवस्तरीय खुल्ला फुटवल प्रतियोगिता शुरु भएको छ ।

प्रतियोगिताको उद्घाटन खेलमा आयोजक समूहले बाग्लुङ जिल्ला फुटवल संघलाई टाइबे्रकरमा ४–३ गोलअन्तरले हरायो । निर्धारित समयमा १–१ गोलको वरावरी भएपछि खेल टाइबे्रकरमा घकेलीएको थियो । आयोजक समूहको तर्फबाट विवेक सन्तोषी ‘म्यान अफ दी म्याच’ बने । आयोजकका विवेक सन्तोषी र संघका तर्फबाट निशान थापाले निर्धारित १/१ गोल गरेका थिए ।

कार्यक्रमको अवसरमा लाहाचोकलाई पर्यटकीय गन्तव्य बनाउने उद्देश्यका साथ स्थानीय अर्मला देउरालीबाट दुई प्याराग्लाइडिङ उडान भरी खेलमैदानमा अवतरण गराइएको थियो । जसको नेतृत्व प्याराग्लाइडिङ पाइलट राम गौतमले गरेको थिए । पाइलट विजय गौतम र अमन थापाले उडान भरेका थिए ।

पर्यटन वर्ष सन् २०२० लाई लक्षित गरी प्रतियोगिता आयोजना गरेको क्लवले जनाएको छ । कुल १२ समूहको सहभागिता रहेको उक्त प्रतियोगिताको विजेताले १ लाख ५५ हजार ५ सय ५५, उपविजेताले ७७ हजार ७ सय ७७ साथमा ट्रफी, मेडल र प्रमाणपत्र पाउनेछन् । त्यस्तै उत्कृष्ठ गोलरक्षक, डिफेन्स, मिडफिल्डर, स्टाइकर, सर्वाधिक गोलकर्ता र अनुशासित समूहले समेत आकर्षक पुरस्कार पाउनेछन् ।

बिहीवार पहिलो खेल विष्णुपादुका क्लव हेमजा र बौद्घ हिमालय क्लव गोरखाबीच विहान १० बजेदेखि हुने आयोजकले जनाएको छ ।

सबै स्थानीय तहमा खेलग्राम : मन्त्री विश्वकर्मा

संघीय सरकारका युवा तथा खेलकुद मन्त्री जगतबहादुर विश्वकर्मालेप्रतियोगिताको उद्घाटन गरेका हुन् ।

कार्यक्रममा बोल्दै मन्त्री विश्वकर्माले मन्त्रालयले सबै स्थानीय तहमा खेलग्राम (मैदान) बनाउने तयारी गरेको स्पष्ट पारे । सोही अनुसार लाहाचोक खेलमैदानको स्तरउन्नती गरिने मन्त्री विश्वकर्माले बताए । उनले स्तरउन्नतीका लागि यही माघभित्रै ५० लाख विनियोजन गर्ने पतिबद्घता समेत जनाए ।

मन्त्री विश्वकर्माले आफूले चुनावमा गरेका प्रतिबद्घता पुरा गरेरै छाड्ने अठोट गरे । उनले जनताका आधारभूत आवश्यकतालाई पहिलो प्राथमिकतामा राखेको औँल्याए । साग सम्पन्न हुनु र त्यसमा अधिकतम पदक जित्नु नेपालकै प्रतिष्ठा भएको उनको भनाई थियो ।

मन्त्री विश्वकर्माले माछापुच्छे« गाउँपालिकालाई प्रचुर पर्यटकीय क्षेत्रको संज्ञा पनि दिए । उनले इतिहासमै पहिलोपटक कास्की क्षेत्र नं. ३ मा यसपटक घेरै योजना तथा बजेट परेको दावी पनि गरे । विभिन्न खेलमध्ये सम्भावना बोकेको खेल प्याराग्लाइडिङ पनि भएको उनको भनाई थियो ।

प्रदेशसभा सदस्य पुष्पा केसी भण्डारीले नेपालमा खेल व्यवसायको रुपमा विकास हुँदै जानु पछिल्लो समयको सकारात्मक पक्ष भएको औँल्याइन् । खेल स्वास्थ्यका लागि पनि महत्वपूर्ण छ भन्दै सांसद भण्डारीले प्रतियोगिताले खेल पर्यटनमा टेवा पु¥याएको भनाई राखिन् ।
गाउँपालिका अध्यक्ष कर्णबहादुर गुरुङले खेललाई राष्ट्रिय स्तरमा मात्रै ध्यान नदिई स्थानीय स्तरमा पनि ध्यान दिनुपर्ने जनाए । उनले लाहाचोकमा प्याराग्लाइडिङको राम्रो सम्भावना रहेको तर्क अगाडि सारे ।

प्रतियोगिताको मुख्य प्रायोजक भिजन लुम्बिनी प्रालिका अध्यक्ष जगतबहादुर पोखरेलले प्रालि युवालाई लगानीमा जोडी आर्थिक समृद्घिको बाटोमा लम्केको भनाई राखे । अखिल नेपाल फुटवल संघ(एन्फा)का केन्द्रीय उपाध्यक्ष कृष्ण थापाले मैदानको स्तरउन्नतीमा जोड दिए । भिडावारीमा एन्फा एकेडेमीको चाँडै शिलान्यास हुने उनले विश्वास जनाए ।

वडाध्यक्ष पूर्णबहादुर शाहीले लाहाचोकलाई कुनै न कुनै रुपमा पर्यटनसँग जोड्नुपर्ने जनाए । उनले माछापुच्छे« हिमाल आरोहणलाई खुल्ला गरिदिन संघीय सरकारको ध्यानाकर्षण गराए । उनले चाँडै नै एक पालिका एक खेलमैदानको नीति अनुसार लाहाचोक मैदानको पनि स्तरउन्नती हुने विश्वास जनाए ।

क्लव अध्यक्ष निरज शाहीको अध्यक्षतामा सम्पन्न उद्घाटन कार्यक्रममा वडाध्यक्ष पूर्णबहादुर शाहीले स्वागत साथै क्लव अनुशासन तथा व्यवस्थापन समितिका संयोजक पानबहादुर जिसीले संचालन गरेका थिए ।

तस्विरःश्रीभद्र पौडेल/आदर्श समाज 

तपाइको विचार व्यक्त गर्नुहोस्

हाम्रो सुझाव

दोश्रो वेगनास कप तयारी अन्तिममा

मेयर कप भलिबल

राष्ट्रपति रनिङ शिल्ड मुक्तिमार्ग माविलाई

दोश्रो सृजना कप आजदेखि

क्रिकेटमा नवलपुर विजयी

प्रमुख समाचार

चिर्पटले टाउकोमा प्रहारगरी बाबुको हत्या

थप प्रमुख समाचार

बतास फाउण्डेशनको रक्तदान

दोश्रो वेगनास कप तयारी अन्तिममा

मेयर कप भलिबल