काठमाण्डौं । सहिद स्मारक ए डिभिजन लिग फुटबलमा विभागीय त्रिभुवन आर्मी र संकटा क्लबले अंक बाँडेका छन् ।
लिग अन्तर्गत मंगलबार भएको खेलमा दुबै टोलीले १–१ गोलको बराबरी खेल्दै समान १/१ बाँडेका छन् ।
बराबरी गर्दै दुवै टिमले १/१ अंक लिएपछि त्रिभुवन आर्मीले शीर्ष स्थानमा फर्कने मौका गुमाएको छ ।
नतिजासँगै आर्मीले १३ अंकसहित शीर्ष स्थानको मछिन्द्रसँग अंक बराबरी गरेको छ । आर्मीसँग बराबरी खेलेको संकटाले ८ अंक बटुल्दै आठौँ स्थानमा छ ।
दशरथ रंगशालामा भएको पहिलो हाफमा आर्मीले नवयुग श्रेष्ठको गोलको मद्दतले अग्रता लिएको थियो । उनले २९ औंँ मिनेटमा फ्री–किक मार्फत आएको बललाई हेड गर्दै गोल गरेका थिए ।
दोस्रो हाफको शुरुमै आर्मीलाई धक्का लाग्यो । युद्ध शाही रातो कार्ड पाउँदै मैदान बाहिरिएपछि आर्मीको १० खेलाडीले खेलेको थियो । पहिलो हाफको १० औंँ मिनेटमा पहिलो पहेँलो कार्ड पाएका युद्धले ५१ औंँ मिनेटमा दोस्रो पहेँलो कार्ड पाउँदै मैदान छाडेका थिए ।
त्यसपछि दबाबमा आएका आर्मीलाई संकटाले १ गोल फर्कायो । संकटाका अमित तामाङले पेनाल्टीमा गोल गर्दै खेल बराबरीमा ल्याएका थिए । आर्मीका सुमन अर्यालले फल गरेपछि संकटाले पाएको पेनाल्टीलाई अमितले गोलमा परिणत गरे । ८० औंँ मिनेटमा आर्मीका नवयुग श्रेष्ठलाई रिप्लेस गर्दै मैदान प्रवेश गरेका कप्तान भरत खवास १ मिनेटमै घाइते हुन पुगे ।
संकटाका लक्ष्मण रुचालले प्रहार गरेको फ्री–किक उनको टाउकोमा लागेपछि खवास लडेका थिए । असजिलो महसुस गरेपछि उनी हिँडेरै मैदान बाहिर निस्किएका थिए । त्यसपछि शुरु भएको खेलमा दुवै तर्फबाट कुनैपनि गोल नभएपछि संकटा र आर्मीले समान १/१ अंक बाँडे ।
Related News
सम्बन्धित समाचार
तनहुँको फ्रेन्डसीप क्लबलाई फुटबल उपाधि
लेखनाथ हाफ म्याराथनमा आर्मीका सञ्जय च्याम्पियन
वडा ४ ले जित्यो अध्यक्ष कप फुटबल
ढोलाहिटीलाई फुटबल उपाधि
बुद्ध विशालको फुटसल प्रतियोगिता
hero news full width
मुख्य समाचार
कतारी अमिरलाई ‘रुद्रकली’ र ‘खगेन्द्रप्रसाद’ !
फेवातालमा दुर्घटनामा परेका ५ जनाको उद्धार
वैशाख ११, २०८१लोकतन्त्रका १८ वर्ष : लोकतन्त्रले छोएन लोकलाई
वैशाख ११, २०८१कामचलाउ सरकारको आयु लम्बियो
वैशाख ११, २०८१गण्डकी सरकारविरुद्दको मुद्दा हेर्दाहेर्दैमा, आज टुंगो लागेन
वैशाख १०, २०८१कतारी राजा नेपाल आउने दिन भोलि सार्वजनिक बिदा
वैशाख १०, २०८१