सेरेना विलियम्सलाई अक्ल्याण्ड टेनिस उपाधि

Avatar एजेन्सी
माघ १, २०७६

अमेरिकी टेनिस सुन्दरी सेरेना विलियम्सले अक्ल्याण्ड क्लासिक टेनिसको उपाधि जितेकी छन् ।

अक्ल्याण्ड क्लासिक टेनिसको उपाधि जितेपछि सेरेनाले दुई वर्षकी छोरी र ट्रफी सहित एक साथ खुशी मनाइन् ।

सेरेना विलियम्सले तीन बर्षपछि उपाधि जितेकी हुन् ।

छोरी जन्मिएपछि उपाधिविहीन बन्दै आएकी ३८ बर्षीया सेरेनाले आइतबार अक्ल्यान्ड क्लासिक टेनिसको उपाधि जितेकी हुन् ।

पूर्व विश्व नं १ टेनिस सुन्दरी सेरेनाले सन् २०१७ पछि पहिलो पटक उपाधिको खडेरीलाई तोडेकी हुन् ।

फाइनलमा उनले अमेरिकाकै जेसिका पेगुलालाई २–० को सोझो सेटमा हराइन् ।

सेरेनाले जेसिकामाथि ६–३, ६–४ को सहज जित निकालेकी थिइन् ।

२३ पटक ग्रान्डस्लाम विजेता सेरेनाको यो ७३ औं डब्लुटीए उपाधि हो ।

हाम्रो सुझाव