ढोरपाटन महिला डबल लिग भलिबल माघको दोस्रो हप्तादेखि शुरु

Avatar आदर्श समाज सम्वाददाता
पौष १०, २०७६

काठमाण्डौं । आगामी माघमा ढोरपाटन स्पोर्टस् क्लबको आयोजनामा १५ औँ संस्करणको ढोरपाटन महिला डबल लिग भलिबल च्याम्पियनसीप हुने भएको छ ।

आगामी माघको १६ देखि २८ गतेसम्म हुने उक्त च्याम्पियनसीपमा विभिन्न १२ टोलीले प्रतिस्पर्धा गर्ने काठमाण्डौंमा आयोजित पत्रकार सम्मेलमा आयोजक क्लबका अध्यक्ष मनवीर छन्त्यालले जानकारी दिए ।

सो च्याम्पियनसीपमा न्यू–डायमन्ड एकेडमी, टप्स मावि, बुलबुले रारा क्लब, त्रिभुवन आर्मी क्लब, नेपाल पुलिस क्लब र सशस्त्र प्रहरी बल (एपीएफ) छन् । त्यसैगरी पारामाउण्ट मावि, चुली युवा क्लब, चितवन टाइगर्स, थ्री–स्टार एकेडमी, जावलाखेल भलिबल प्रशिक्षण केन्द्र र आयोजक ढोरपाटन क्लबले प्रतिस्पर्धा गर्नेछन् ।

प्रतियोगिताको विजेताले ४ लाख ५ हजार र उपविजेताले २ लाख ५ हजार पाउनेछन् । तेस्रो हुने टोलीले १ लाख ५ हजार, चौथो हुनेले ७५ हजार, पाँचौँले ५५ हजार, छैठौँले ४५ हजार तथा सातौँ हुने टोलीले ३५ हजार पाउनेछन् ।

प्रतियोगितामा उत्कृष्ट खेलाडी, उदीयमान, वर्ष खेलाडी र ‘प्लेयर अफ दि सिरिज’ घोषित हुने खेलाडीले जनही एक थान स्कुटर पाउनेछन् । प्रतियोगिताको खेल नयाँ बसपार्कस्थित ढोरपाटन क्लबको भलिबल कोर्टमा हुनेछ ।

तपाइको विचार व्यक्त गर्नुहोस्

हाम्रो सुझाव

२१ सेकेण्डमै लुकाकुको गोल

दमौलीमा ब्यास नगर अल्ट्रा म्याराथनको तयारी

अन्तराष्ट्रिय भेट्रान्स फुटबल तयारी पूरा

लाहाचोकमा प्रदेशस्तरीय फुटवल शुरु

ढुंगेसाँघुको क्योकुशिन कान कराँते सकियो

प्रमुख समाचार

शिक्षक शिक्षाप्रति वफादार छैनन् – मुख्यमन्त्री

थप प्रमुख समाचार