पोखरा । उच्च शिक्षालय तथा माध्यमिक विद्यालय संघ नेपाल (हिसान) कास्कीले आयोजना गर्ने १३ औं हिसान कास्की स्पोर्टस् मिट पोखरा रंगशालामा जारी छ ।

बिहीबार पहिलो चरणका खेलहरु सम्पन्न भएको छ । शुक्रबार दोश्रो चरणदेखि क्वाटरफाइनलका खेलहरु हुनेछन् ।

पुसको ९ गतेदेखि शुरु भएको हिसान स्पोर्टस् मिटमा बिहीबार छात्रछात्रा दुवैतर्फ भलिबल, छात्रछात्रा टेबलटेनिस र छात्रछात्रा बास्केटबल प्रतियोगिता खेल जारी छन् ।

बिहीबार छात्र भलिबलतर्फ पहिलो चरण र प्रि–क्वाटरका केही खेलसहित १८ वटा खेल सम्पन्न भएका छन् । शुक्रबार बाँकी रहेको प्रिक्वाटर र क्वाटरफाइनलका खेल हुनेछन् ।

यसैगरि, बास्केटबल छात्रतर्फ बिहीबार भएको खेलमा न्यू ग्यालेक्सी, सोसल पब्लिक, प्रतिभा, सगरमाथा, पोखरा मावि, बालकल्याण, स्टेप बाई स्टेप र टप्सले आ–आफ्ना प्रिक्वाटरमा प्रवेश गरेका छन् । त्यस्तै, छात्रातर्फ भएको खेलमा न्यू ग्यालेक्सी, मदरल्याण्ड, हिलप्वइन्ट, सगरमाथा, टप्स, सोसल पब्लिक, ग्लोबल क्लेजियट र प्रतिभा प्रिक्वाटरमा प्रवेश गरेका छन् ।

त्यस्तै, टेबलटेनिस छात्र एकलतर्फ सगरमाथा, ग्लोबल, वेलनन्, स्टेप बाई स्टेप, टप्स्, जेसीए, बालप्रभात, लिटिल स्टेप, गुरुकुल, मदरल्याण्ड, अक्सफेर्ड, पश्चिमाञ्चल र पोखरा पहिलो चरण पार गरेका छन् ।

त्यस्तै बिहीबार नै भएको छात्रा एकलतर्फ ग्लोबल, प्रतिभा, सिर्जना, स्टेप बाई स्टेप, मदरल्याण्ड, कास्की मोडर्नाज्ड, सगरमाथा, पोखरा र गुरुकुल समेत पहिलो चरण पार गरेका छन् ।

त्यस्तै छात्र डबल्सतर्फको टेबलटेनिसमा सोसल पब्लिक, माउण्ट अन्नपूर्ण, पोखरा, मदरल्याण्ड, जेसीए, सगरमाथा, भास्कर, सिर्जना, पोखरा युनाइटेड, ज्योतीकुञ्ज, मल्टिपरपोज, मेरिगोल्ड, गोर्खा, स्टेप बाई स्टेप, प्रतिभा, गुरुकुल र पश्चिमाञ्चल तेश्रो राउण्डमा प्रवेश गरेका छन् ।

छात्रा डबल्सतर्फ मदरल्याण्ड क्वाटरफाइनलमा प्रवेश गरिसकेको छ । प्रिक्वाटर र तेश्रो राउण्डका खेलहरु शुक्रबार जारी रहनेछ ।

तस्वीर : राजु गिरी