पोखरा । युवा तथा खेलकूद मन्त्री जगत विश्वकर्माले पोखरा–१ स्थित पुरानो टुँडीखेल मैदानको बहुआयमिक प्रयोगबारे सोंच्न आग्रह गरेका छन् ।
मन्त्री विश्वकर्माले भने, पुरानो टँडीखेल मैदानको बहुआयामिक प्रयोग कसरी गर्न सकिन्छ ? त्यसबारे योजनावद्ध रुपमा अगाडि बढ्नुहोस ।’
पुरानो टुँडीखेल मैदानको संरक्षणका लागि चावी हस्तान्तरण कार्यक्रममा बोल्दै मन्त्री बिश्वकर्माले उक्त कुरा बताएका हुन् । उक्त मैदान गण्डकी प्रदेशकै ऐतिहासिक पृष्ठभुमी र महत्व बोकेको मैदान भएकोले यसको उपयोगसँगै संरक्षण र सम्वद्र्धन खाँचो रहेको उनले बताए ।
टुँडीखेल खेलमैदान नेपालको लोकतान्त्रिक र गणतान्त्रिक आन्दोलनको केन्द्र समेत रहेकोले यसको सांस्कृतिक, सामाजिक राजनीतिक महत्व रहेको मन्त्री विश्वकर्माले औंल्याए ।
उनले एक प्रसंगमा मैदानको भाग खुम्चिदै गएकोले सीमाना स्पष्ट समेत नभएकाले मैदानको सीमाभित्र रहेका विभिन्न संघसंस्थाहरुलाई व्यवस्थापन गरी टुँडीखेल मैदान पुरानो स्वरुपमा फर्काउन आफूले पहल थाल्ने प्रतिबद्धता जनाए ।
टुँडीखेल मैदानलाई पुरानो सीमाङ्कनमा फर्काउन सके मन्त्रालयले यसको संरक्षणका लागि थप बजेट निकासा दिन समेत सजिलो हुने मन्त्री विश्वकर्माले उल्लेख गरे ।
युवा तथा खेलकूद मन्त्रालयले राष्ट्रिय खेलकूद परिषदमार्फत प्रदान गरेको १५ लाखको काम टुँडीखेल तारजाली निर्माण उपभोक्ता समितिद्वारा कार्य सम्पन्न गरेको हो । संचालनको जिम्मा पाएको राष्ट्रिय माविलाई एक कार्यक्रमबीच चावी हस्तान्तरण गरिएको हो ।
मैदानको संरक्षणका लागि कुल १६ लाख २५ हजार ४ सय ६९ रुपैयाँ खर्च भएको मध्ये नपुग रकम पोखराको स्थानीय प्रतिष्ठित संस्था बगर भाइखलकले १ लाख ५१ हजार उपलव्ध गराएको थियो । समितिका उपाध्यक्ष सिता गुरुङ र चन्द्रबहादुर गुरुङले ५ हजार नगद विद्यालयलाई प्रदान गरे ।
उक्त कार्यक्रममा पोखरा महानगरपालिका वडा नं १ का अध्यक्ष शारदाकुमारी पराजुली, उपभोक्ता समितिकी उपाध्यक्ष सिता गुरुङ, राष्ट्रिय माविका प्र.अ. बेदप्रसाद वस्ती, उपभोक्ता समितिका सचिब जनकल्याण पराजुलीलगायतले बोलेका थिए ।
कार्यक्रम उपभोक्ता समितिका अध्यक्ष एवं बगर भाइखलकका अध्यक्ष दिलबहादुर गुरुङको अध्यक्षतामा भएको थियो ।
Related News
सम्बन्धित समाचार
पुरानो पोखरा जोगाउन पहल: मेयर आचार्य
सुदुरपश्चिममा सोडारी मुख्यमन्त्री नियुक्त
प्रेमील गजलकारको भावपूर्ण बिदाइ
अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
गण्डकी प्रदेश सभाको अधिवेशन आह्वान
hero news full width
मुख्य समाचार
गण्डकीमा अधिवेशन डाक्न सिफारिस, मुख्यमन्त्रीले विश्वासको मत लिँदै
दृष्टिविहीनलाई बाटो देखाउँदै गुगल
वैशाख ४, २०८१प्रकट पगेनी ‘शिव’ को निधन
वैशाख ४, २०८१कामचलाउ मुख्यमन्त्री अधिकारी विश्वासको मत लिने तयारीमा
वैशाख ४, २०८१फेरि बढ्यो पेट्रोल, डिजेल र मट्टितेलको भाउ
वैशाख ३, २०८१अन्नपूर्ण क्षेत्रमा भित्रिए ९ महिनामा १ लाख ४४ हजार पर्यटक
वैशाख ३, २०८१