सुस्तामा जलअधिकार सम्मेलन

Avatar आदर्श समाज सम्वाददाता
पौष ६, २०७६

नदी अधिकार मञ्च साउथ एशिया कमिटीको आयोजनामा सुस्तामा अन्तरदेशीय जल सम्मेलन हुने भएको छ।

नेपाल, भारत र बंगलादेशका ठूला नदीको तटीय क्षेत्रमा बसोबास गर्ने विभिन्न स्थानका सरोकारवालाको अधिकारसँग सम्बन्धित विषयमा छलफल गरी अधिकारको प्रत्याभूतिका लागि पुस १० देखि तीनदिने सम्मेलनको आयोजना गरिएको नदी अधिकार मञ्च साउथ एशिया कमिटीका संयोजक बृजराज कुशवाहले पत्रकार सम्मेलनमा बताए। सम्मेलनमा भारतका पश्चिमी बंगाल, बिहार र उत्तर प्रदेशका विज्ञ, नदीपीडित तथा जल अधिकारका अभियन्ताहरु सहभागी हुने छन्। त्यसैगरी नेपालका पूर्वमा कमला नदी, कोशी नदी, वागमती नदी, कर्णाली नदी र महाकाली नदीका तटीय वासिन्दा तथा नेपालका नदी अधिकारकर्मी, जल अधिकारकर्मी, जल विज्ञ तथा मानव अधिकारकर्मीको गरी करिब १ हजार जनाको उपस्थिति हुनेछ। कार्यक्रम पहिलो दिन सुस्ता गाउँपालिका ५, नारायणी नदी किनारस्थित ठाढीघाट, दोस्रो दिन गण्डकवासीका लागि प्रशिक्षण कार्यक्रम त्रिभुवन क्याम्पस बेलाटारीको गान्धी हलमा सञ्चालन गरिनेछ। अन्तिम तथा तेस्रो दिन गान्धी हलमै नदी अधिकार मञ्चको घोषणापत्र जारी गरी सम्मेलन समापन गरिनेछ।

पानीको असमान वितरण, बाढी डुबान कटानमा नियन्त्रणको अभाव, जलविद्युत् उत्पादनमा कमी तथा गण्डकमा बनाइएका संरचनाले पार्न थालेको दीर्घकालीन प्रभावबारे छलफल हुनेछ।

तपाइको विचार व्यक्त गर्नुहोस्

हाम्रो सुझाव

स्थानीय जातको कुखुरापालनमा रमाउँदै कटरास

रन शुजको शो रुम शुभारम्भ

प्रमुख समाचार

सत्य निरुपण र बेपत्ता आयोगका पदाधिकारीको नाम सिफारिस