बागलुङमा सुन्तला उत्सव शुरु

रासस
पौष ५, २०७६
Rss_Images_1547523909826_SG_Baglung2

गलकोट, ५ पुस । बागलुङ नगरपालिका–८ सिगानामा शुक्रबारदेखि चौथो सुन्तला उत्सव शुरु भएको छ । सुन्तला उत्सवको गण्डकी प्रदेश सरकारका भूमि व्यवस्था, कृषि तथा सहकारीमन्त्री लेखबहादुर थापाले उद्घाटन गरे । उद्घाटनपछि मन्त्री थापाले बाँझो जग्गालाई एकीकरण गरी ठूलो मात्रामा कृषिउपज उत्पादन गर्नुपर्ने बताए ।

मन्त्री थापाले जग्गा धनीले जमिनलाई प्रयोगविहीन बनाउने र काम गर्नेको जग्गा नभएका कारण उत्पादनमा कमी हुन थालेका कारण बाँजो जग्गालाई एकीकरण गरी स्थानीय सरकार तथा सहकारीमार्फत सामूहिक खेती गर्नुपर्ने बताए । उनले प्रदेश सरकारले खेतीयोग्य जग्गालाई एकीकृत गरी सामूहिक उत्पादनमा लाग्ने कृषकलाई गण्डकी प्रदेश सरकारले अनुदानका कार्यक्रम ल्याउने बताए ।

सुन्तलालाई व्यावसायिक रुपमा प्रवद्र्धन गर्ने उद्देश्यले तीन वर्षदेखि सिगानामा सुन्तला उत्सव गरिँदै आएको छ । बागलुङ जिल्लामै राम्रो सुन्तला उत्पादन हुनेमध्येको सिगानमा उत्पादन भएका सुन्तलाको बजारीकरणका लागि उत्सव आयोजना गर्दै आइएको छ । उत्सवले सुन्तलाको व्यापार तथा प्रचारप्रसारमा सहयोग पुग्ने आयोजकले अपेक्षा गरिएको छ

यही पुस ९ गतेसम्म सञ्चालन हुने सुन्तला उत्सवमा सुन्तलाको नमूना प्रर्दशनी, नगरस्तरीय कृषि सम्मेलन, सुन्तला खाने प्रतियोगिता, सुन्तला बगैँचाको अवलोकन तथा अन्य कृषिउपजको प्रदर्शनी तथा स्थानीय सांस्कृतिक महत्व झल्कााउने विभिन्न झाँकीको प्रदर्शनी गर्ने आयोजकले उत्सव मूल आयोजक समितिका अध्यक्ष रामबहादुर खड्काले बताए ।

सुन्तला उत्पादन हुने राम्रो क्षेत्रका रुपमा घोषणा भई हाल प्रधानमन्त्री कृषि आधुनिककीकरण परियोजनाअन्तर्गतको सुन्तला क्षेत्र म्याग्दीले समेत सिगानालाई ‘सुन्तला जोन’ भित्र समावेश गरेको बागलुङ नगरपालिका–८ का वडाध्यक्ष राजन जिसीले बताए । सिगानालाई कृषिबाटै समृद्धि गर्ने योजनाका साथ १८०० मिटर माथि चिया तथा १८०० मिटर तल सुन्तलाखेती विस्तारका लागि बिरुवा रोप्ने अभियानलाई समेत तीव्रता दिइएको अध्यक्ष जिसीले बताए । सिगानामा वार्षिक दुई करोड रुपैयाँ बढीको सुन्तलाको कारोवार हुँदै आएको छ ।

Related News

सम्बन्धित समाचार

  • असुरक्षित टहरामा बस्न वाध्य सुरक्षाकर्मी

    आदर्श समाज सम्वाददाता चैत्र १५, २०८०
    ढोरपाटन । खिया लागेका जस्तापाता, उप्किएका भित्ता, धमिराले छियाछिया भएका झ्याल ढोका । छानामा ढुंगाहरूले प्लास्टिक अठ्याइएको छ । यो…
  • गण्डकी सरकारले २०८१ मा ३ दिन बिदा दिने

    आदर्श समाज सम्वाददाता चैत्र १५, २०८०
    पोखरा । गण्डकी प्रदेश सरकारले आउने वर्ष अर्थात् २०८१ सालमा ३ दिन बिदा दिने निर्णय गरेको छ । संघीय सरकारलेभन्दा…
  • किरिया बसेका दाजुभाइ परीक्षामा

    आदर्श समाज सम्वाददाता चैत्र १५, २०८०
    स्याङ्जा। किरियामा बसेका २ दाजुभाइ एसइईमा सहभागी भएका छन् । पुतलीबजार नगरपालिका ४ स्थित सरस्वती मावि परीक्षा केन्द्रबाट संगम क्षत्री…
  • सुरु भयो एसइई, ५ लाख ४ हजार ४ सय १४ विद्यार्थी सामेल

    आदर्श समाज सम्वाददाता चैत्र १५, २०८०
    पोखरा । माध्यमिक शिक्षा परीक्षा (एसइर्ई) बिहीबारदेखि सुरु भएको छ । चैत २७ गतेसम्म सञ्चालन हुने यस वर्षको एसइर्ई परीक्षाको…
  • बजेट अभावमा नगर अस्पतालको काम रोकियो   

    आदर्श समाज सम्वाददाता चैत्र १५, २०८०
    दमौली । बजेट अभावका कारण तनहुँको भिमाद नगरपालिका–६ मा निर्माणाधीन भिमाद अस्पतालको भवन निर्माण रोकिएको छ । भिमाद प्राथमिक स्वास्थ्य…

hero news full width