पुसको महिना, धुम्म परेको मौसम, विभिन्न जात जातिका पोसाकमा सजिएका ससाना स्कुले बालबालिका ।
आमनिर्वाचनमा जसरी व्यवस्थापन गरिएको विद्यालयको चौरमा नै बाँसका खम्बा गाडेर डोरी टाँगेर व्यवस्थित रुपमा तयार पारिएको मतदान स्थल, मतदान अधिकृत, एजेन्ट, मत्रपत्र, मतपेटिका, महिला, पुरुष, अपाङ्ग र वृद्ध मतदातालाई छुट्टाछुट्टै लाइनमा राखेर सजिसजाउ गरिएको मतदान स्थल । देख्दा लाग्थ्यो यहाँ साँच्चिकै चुनाव नै हुँदैछ । तर, यो वास्तविक चुनाव नभई विद्यार्थीहरुका लागि गरिएको नमुना मतदानको दृश्य हो ।
बुधबार पोखरा–८, सिमलचौरमा रहेको पिसजोन एकेडेमीमा सामाजिक सप्ताह अन्तर्गत गरिएको नमुना मतदान कार्यक्रम झलक हो यो ।
सामाजिक सिकाइ अन्तर्गत विविध कार्यक्रमलाई प्राथमिकता दिने गरेको विद्यालयले बुधबार नमुना मतदान कार्यक्रमको आयोजना गरेको हो । मतदानमा कक्षा ४ देखि १० सम्मका विद्यार्थीहरुले भाग लिएका थिए । चुनावकै झल्को दिने गरी भएको मतदानमा ४ जना उम्मेदवारले स्पर्धा गरेका थिए । प्रतिस्पर्धामा कक्षा १० का छात्रहरु राज रोका, सौजन राना छात्राहरु स्वेता मल्ल र सजनी शर्माले भाग लिएका थिए । मतपरिणाम अनुसार कक्षा १० का छात्र राज रोकाले कुल खसेको मतको झण्डै ५० प्रतिशत मत ल्याई विजयी बन्न सफल भए । उनले १ सय २३ मत ल्याउँदा निकटम प्रतिद्वन्द्वी स्वेता मल्लले ५५ भोट पाउन सफल भइन् ।
कार्यर्क्रममा सामाजिक शिक्षक चन्दन लिम्बूले मतदान अधिकृतको भूमिका निर्वाह गरेका थिए । विद्यार्थीलाई सामाजिक विषय सैद्धान्तिक रुपमा मात्र अध्यापन नगराई व्यवहारिक रुपमा पढाउने हेतुले नमुना मतदान गरिएको उनले बताए ।
कार्यक्रममा विद्यालयका संस्थापक तथा प्रमुख व्यवस्थापक योगेन्द्र शर्मा दाहालले नवनिर्वाचित छात्र राज रोकालाई बधाई दिँदै उनकै अध्यक्षतामा विद्यालयमा हेल्प क्लब गठन हुने घोषणा गरे ।
क्लबको सम्पूर्ण कार्यसमिति नवनिर्वाचित अध्यक्षले नै छनोट गर्न पाउने र यस क्लबले विद्यालयमा अनुशासन, शैक्षिक सहक्रियाकलापका कार्यक्रममा सहभागितादेखि लिएर समग्र विद्यालयको शैक्षिक गतिविधिमा रचनात्मक भूमिका खेल्न पाउने अधिकार प्रत्यायोजन गरिएको विद्यालयका संस्थापक दाहालले जानकारी दिए । अरु विद्यालयहरुभन्दा फरक शैलीमा नमुना रुपमा सञ्चालित यस विद्यालयले शैक्षिक, सामाजिक उत्तरदायित्व बहन, सहक्रियाकलापमा यथेष्ट रुपमा सहभागिता जनाउँदै आएको दाहालले बताए ।
विद्यार्थीलाई किताबी कोरा शिक्षा सैद्धान्तिक रुपमा रटाउनुभन्दा पनि व्यवहारिक रुपमा अनुशासित, स्वावलम्बी र संस्कार सिक्नका लागि पिसजोन एकेडेमीले विविध कार्यक्रमलाई समय सन्दर्भअनुरुप अघि बढाइरहेको दाहालले बताए । यो हप्ता सामाजिक सप्ताहअन्तर्गत शैक्षिक अवलोकन भ्रमण, कल्चरल ड्रेस प्रतियोगितालयातका कार्यक्रमहरु हुने विद्यालयका शिक्षक अमृत घिमिरेले जानकारी दिए ।
Related News
सम्बन्धित समाचार
पाेखरा नयाँबजारमा श्रीमद्भागवत् ज्ञानमहायज्ञ जारी
प्रकट पगेनी ‘शिव’ को निधन
नयाँ वर्षमा एगाको सहयोग
दरौंखोला समाजको भित्तेपात्रो
भुलभुला देवीमा ट्रस्ट भवन उद्घाटन
hero news full width
मुख्य समाचार
पुरानो पोखरा जोगाउन पहल: मेयर आचार्य
सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
वैशाख ५, २०८१गण्डकी प्रदेश सभाको अधिवेशन आह्वान
वैशाख ५, २०८१गण्डकीमा अधिवेशन डाक्न सिफारिस, मुख्यमन्त्रीले विश्वासको मत लिँदै
वैशाख ५, २०८१