पदकधारी नेपाली खेलाडीलाई सरकारको विशेष पुरस्कार

प्रधानमन्त्री केपी शर्मा ओलीले सागमा स्वर्ण पदक जित्ने खेलाडीलाई ९/९ लाख, रजत पदक विजेतालाई ६ लाख र कांस्य पदक विजेतालाई ३ लाख दिने घोषणा गरेको हो

Avatar आदर्श समाज सम्वाददाता
मंसिर २५, २०७६

पोखरा । १३ औं दक्षिण एसिायली खेलकुद (साग)मा पदक जित्ने खेलाडीलाई सरकारले पुरस्कार दिने भएको छ ।

प्रधानमन्त्री केपी शर्मा ओलीले सागमा स्वर्ण पदक जित्ने खेलाडीलाई ९/९ लाख दिने घोषणा गरेका छन् । टिम इभेन्टमा जित्नेलाई कति दिने खुलाइएको सोबारे भने उल्लेख गरिएको छैन । फुटबल, कराँते, तेक्वान्दोमा नेपालले टिम इभेन्टमा स्वर्ण जितेको थियो ।

यस्तै, बास्केटबल, कबड्डी, भलिबल लगायतका टिम इभेन्टमा नेपालले रजत पदक जितेको छ । क्रिकेटको टिम इभेन्ट लगायतमा नेपालले कांस्य जितेको छ । टिम इभेन्टमा पदक जित्नेहरुले कुन आधारमा पुरस्कार पाउँछन भन्ने अन्योलमा खेलाडी रहेका छन ।

त्यस्तै रजत पदक विजेतालाई ६ लाख र कांस्य पदक विजेतालाई ३ लाख दिने घोषणा गरेको हो । बुधबार दिउँसो प्रधानमन्त्रीको सरकारी निवास बालुवाटारमा बधाई दिन बोलाएका प्रधानमन्त्री ओलीले विशेष पुरस्कारको घोषणा गरेका हुन् ।

नेपालको आयोजनामा भएको साग प्रतियोगिता मंगलबार समापन भएको हो । मंगलबार साँझ दशरथ रंगशालामा आयोजित विशेष समारोहबीच १३ औँ सागको सुखद समापन गरिएको थियो ।

समापन समारोहमा भिडियो सन्देश पठाएका प्रधानमन्त्री ओलीले बालुवाटारमै बोलाएर विजेता खेलाडीलाई बधाईसँगै विशेष रकमको घोषणा गरेका हुन् । यस संस्करणको साग खेलकुदमा नेपालले ५१ स्वर्ण, ६० रजत र ९५ कांस्य गरि २ सय ६ वटा पदक जितेको थियो ।
अघिल्लो सागमा भने सरकारले स्वर्ण विजेतालाई ५ लाख, रजतलाई ३ र कांस्यलाई २ लाख प्रदान गरेको थियो ।

१३ औं सागमा पदक विजेता खेलाडीलाई नगद पुरस्कार दिने घोषणा गरेसँगै सागमा नेपालका लागि सर्वाधिक स्वर्ण जित्ने गौरिका सिंहले पुरस्कार पनि सबभन्दा धेरै पाउने भएकी छन् ।

बुधबार बालुवाटारमा प्रधानमन्त्रीले गरेको घोषणामा सागमा दुई वा दुईभन्दा बढी स्वर्ण जित्नेलाई जनही ११ लाख पुरस्कार दिने घोषणा गरे । यस हिसाबले सागमा ४ स्वर्ण जित्ने गौरिका सिंहले ४४ लाख पाउने छिन् । त्यसैगरि, रजत जित्नेलाई ६ लाख घोषणा गरिएअनुसार २ रजत जितेकी गौरिकाले थप १२ लाख पाउनेछिन् ।

सागका पदकधारी खेलाडीलाई नगर परिक्रमा गराइने भएको छ । राष्ट्रिय खेलकुद परिषद (राखेप) ले शुक्रबार पदक विजेता खेलाडीलाई काठमाडौं र ललितपुरको विभिन्न स्थानमा नगर परिक्रमा गराउने जनाएको छ । नगर परिक्रमाको रुट भने तोकिएको छैन ।

 

राष्ट्रपति भण्डारीद्वारा बधाई

यसैबीच, राष्ट्रपति विद्यादेवी भण्डारीले १३ औँ दक्षिण एशियाली खेलकूद (साग)मा नेपाललाई स्वर्णसहित विभिन्न पदक दिलाएका नेपाली खेलाडीलाई हार्दिक बधाई ज्ञापन गरेकी छन् ।

राष्ट्रपति विद्यादेवी भण्डारीले बुधबार ट्वीटमार्फ प्रतियोगितामा सहभागी सबै राष्ट्रका खेलाडी तथा खेल पदाधिकारीमा आभार व्यक्त गरेकी छन् ।

राष्ट्रपति भण्डारीले सागको सफल आयोजनाका निम्ति युवा तथा खेलकुद मन्त्रालय, राष्ट्रिय खेलकूद परिषद, नेपाल ओलम्पिक कमिटी, प्रशिक्षक, निर्णायकलगायत सम्बद्ध सबैलाई धन्यवाद दिएकी छन् ।

राष्ट्रपतिले उक्त प्रतियोगिताबाट दक्षिण एशियाली मुलुक र जनताबीचको सम्बन्ध थप प्रगाढ भएको महसुस आफूले गरेको बताएकी छन् ।

तपाइको विचार व्यक्त गर्नुहोस्

हाम्रो सुझाव

ए डिभिजन लिगमा च्यासलले ब्रिगेडलाई हरायो

एबीसी र टि–बर्गर भेट्रान एट ए साइड फुटबलको फाइनलमा

लाउरेन्सद्वारा सहारा एकेडेमी अवलोकन

प्रमुख समाचार

नेपालमा पनि भेटियो कोरोना भाइरसको संक्रमण

थप प्रमुख समाचार

गुरुकुलमा संस्कृतसँगै आधुनिक शिक्षा

सांसद विद्याको ३६ योजना

मनाङेलाई दुई दिन म्याद थप

केफ माविको २६ औं वार्षिकोत्सवमा सम्मान