पोखरा, २५ मंसिर । ७१ औं मानवअधिकार दिवसको सन्दर्भमा रुपा गाउँपालिकामा लैगिंक हिंसा सम्बन्धी अन्तरक्रिया कार्यक्रम सम्पन्न भएको छ ।

अनौपचारिक क्षेत्र सेवा केन्द्र (इन्सेक) र मानवअधिकार समूह रुपा गाउँपालिकाको आयोजना तथा रुपा गाउँपालकिाको सहयोगमा गाउँपालिकाका जनप्रतिनिधि , महिला समूहरुलाई मानवअधिकार, लैगिंक हिंसा र महिला अधिकारका बारेमा जानकारी गराइएको थियो ।

कार्यक्रममा प्रमुख अतिथि रुपा गाउँपालिका उपाध्यक्ष लाल सुब्बा गुरुङले अधिकार र कर्तव्यलाई संगसंगै लैजान जरुरी रहेको बताए । उनले शिक्षा , स्वास्थ्य ,बिकास र सुरक्षामा महिलाहरुको अर्थपूर्ण सहभागीतामा जोड दिए ।

वडा नं ५ का वडाअध्यक्ष टेकबहादुर गुरुङ महिला तथा बालबालिकामाथी हुने हिंसा पहिरनका कारण नभइ व्यक्तिको सोचाई र मनोवृत्तीको उपज भएको बताए । उनले अधिकारका कुरा गर्दै गर्दा व्यक्ति कत्तिको सचेत छ भन्ने विषयले नै अधिकारको मापन हुने भनाइ राखे ।

कार्यक्रममा इन्सेक कार्यक्रम अधिकृत सवनम शर्माले लैगिंक हिंसाका विषयमा सहजीकरण गरेकी थिइन् । उनले महिलाको शिक्षा, स्वास्थ्य , बिकास , सुरक्षा , अर्थपूर्ण सहभागिता , पहुँच र नियन्त्रणका जानकारी गराए । यस्तै कार्यक्रममा राधा गुरुङको संयोजकत्वमा १७ सदस्यीय रुपा गाउँपालिका स्तरीय महिला सञ्जाल गठन गरिएको थियो । सञ्जाल संयोजक गुरुङले गाउँपालिकालाई मानवअधिकार मैत्री बनाउन सहयोग पुग्ने गरी आफुहरु अगाडि बढ्ने बताए ।