पोखरा–८, न्यूरोडस्थित लालीगुराँस टोल विकास संस्थाको १० औं वार्षिक साधारणसभा सम्पन्न भएको छ। साधारणसभामा बगरस्थित भीमकाली पाटनको संस्कृत माविमा अध्ययनरत् विद्यार्थीका लागि संस्थाको नाममा १५ हजार १ सय ५५ रुपैयाँको अक्षयकोष स्थापना गरिएको छ।

प्रमुख अतिथि विश्व हिन्दू महासंघ नेपाल कास्कीका अध्यक्ष पार्वती पौडेलले धर्म र संस्कृतिको संरक्षणमा जोड दिइन्। पौडेलले विकट ठाउँबाट आएर संस्कृत विषयमा अध्ययनरत् विद्यार्थीका लागि अक्षयकोष स्थापनाले सहयोग पुर्याउने उल्लेख गरिन्।

कार्यक्रममा संस्थाका संस्थापक अध्यक्ष ईन्द्रा कार्की, निवर्तमान अध्यक्ष मेनुका बराल, कार्यसमिति सदस्य ईना कार्की, आदर्श समाज राष्ट्रिय दैनिकका व्यवस्थापक दुर्गादेवी बास्तोला, संस्कृत माविका प्रधानाध्यापक गोविन्द सिग्देल लगायतले बोलेका थिए।

संस्था अध्यक्ष मानकुमारी बरालको अध्यक्षतामा भएको कार्यक्रममा उपाध्यक्ष मंगली बास्तोलाले कार्यक्रममाथि प्रकाश पारेकी थिइन्।

संस्कृत माविका सह–प्राध्यापक श्रीकृष्ण सिग्देलले स्वागत र सचिव सरस्वती गिरीले संचालन गरेका थिए।