कुमारी र रामको सालैजो सार्वजनिक

Avatar आदर्श समाज सम्वाददाता
मंसिर २३, २०७६

पोखरा, मंसिर २३ । पोखराका संचारकर्मी एवं लोक दोहोरी गायिका कुमारी बुढा मगर र राम बिलास राईको उकालीमा वरपिपल छायाँ (सालैैजो) सार्वजानिक भएको छ । करिब १२ मिनेट लामो सो मौलिक सालैजो गीतलाइ म्युजिक नेपालको युटुब च्यानलबाट सार्बजनिक गरिएको हो ।

गायिका कुमारी बुढामगर र बिलास राईको स्वर रहेको सालैजो गीतमा नवराज बरालको शव्द र संगित तथा बीबी अनुरागीको संगीत संयोजन रहेको छ । नेपाली लोक संस्कृतिलाई जर्गेना गर्दै गाउँघरमा गाईने भाका दर्शक माझ प्रस्तुत गर्न पाउँदा खुसी लागेको संचारकर्मी एवं लोक दोहोरी गायिका कुमारी बुढा मगरले सुनाइन् ।

म्याक्सन फोर डी स्टुडियो पोखरामा छवि राना मगरले सम्पादन गरेको सो गितको रेकर्डिङ प्रिज्मा स्टुडियो काठमाडौंमा गरिएको थियो । लबसन गुरुङले निर्देशन गरेको सो भिडियोलाइ सन्तोष पिठाकोटे मगरले छायांकन गरेका हुन् । भिडियोमा मनिष गुरुङ र रोम्या गुरुङको नृत्य रहेको छ ।