पोखरा । १३ औं दक्षिण एशियाली खेलकुद (साग) अन्तर्गत पोखरामा जारी आर्चरी खेलमा नेपालले एक रजत सहित तीन पदक प्राप्त गर्न सफल भएको छ । नेपालले कम्पाउण्ड (५० मिटर) मिक्सतर्फ रजत पदक प्राप्त गरेको हो ।
आइतबार भएको फाइनल खेलमा बंगलादेशले नेपाललाई ८ अंकको अन्तरले पराजित गर्दा नेपाल रजत पदकमा सीमित भएको हो । नेपालले फाइनल खेलमा १ सय ४० अंक ल्याउदा बंगलादेशले १ सय ४८ अंक ल्याउन सफल भएको हो ।
नेपाली टिममा इमायुङग् राई र शान्त मल्ल रहेका थिए भने बंगलादेशका सुस्मिता बनिक र एमडी सोहिल राना सहभागी थिए । उक्त इभेण्टमा श्रीलंकाले कांस्य पदक हात पार्न सफल भएको छ ।
१० वटा स्वर्ण पदकको लागि जारी उक्त प्रतिस्पर्धामा आइतबारसम्म ६ वटा स्वर्ण पदकको छिनोफानो लाग्दा ६ वटा स्वर्ण पदकमाथि बंगलादेशले एकतर्फी बर्चस्व जमाउन सफल भएको छ । बंगलादेशले कम्पाउण्ड महिला तथा पुरुष, रिकर्भ महिला तथा पुरुष र रिकर्भ मिक्सतर्फ स्वर्ण पदक हात पार्न सफल भएको हो ।
त्यस्तै, कम्माउण्ड पुरुषतर्फ नेपालले कांस्य पदक हात पार्न सफल भएको छ । नेपालले कास्य पदकको लागि आइतबार भएको खेलमा श्रीलंकालाई १ अंकको अन्तरले पराजित गर्दै कांस्य पदक हात पार्न सफल भएको हो । नेपालले २ सय ८ अंक ल्याएको थियो भने श्रीलंकाले २ सय ७ अंक ल्याएको थियो । नेपालको टिममा मिनप्रसाद गौचन, सन्त मल्ल र योगेन्द्र शेरचन थिए ।
श्रीलंकाको टिममा अथन पोला सञ्जीव वसन्तकुमार, पेरेरा कुरुकुला एराच्चिङगे उदय आइएनडी र विरासिंघे कनिस्कार गाएन थिए । उक्त बिधाको स्वर्ण पदकको लागि बंगलादेशले भुटानलाई पराजित गर्दै स्वर्ण पदक जितेको हो । विजेताले २ सय २५ अंक ल्याउदा उपविजेताले भने २ सय १४ अंक ल्याएको थियो । बंगलादेशको टिममा असिकुज्जमान महमद, दास असिमकुमार र राना एमडी सोहेल थिए । भुटानको टिममा वाङगडी फुन्टशो, दोर्जी ताण्डिङ र सेराव कर्मा थिए ।
कम्पाउण्ड महिलातर्फको खेलमा नेपालले सिधै वाई पाएर कांस्य पदक प्राप्त गर्न सफल भएको हो । यस इभेण्टमा भुटान सहभागी नभएसँगै नेपाललाई सहज कांस्य पदक प्राप्त भएको हो । नेपालको टिममा मोनिका रानामगर, मन्जु बजगाई र इमायुङ राई थिए ।
उक्त बिधामा बंगलादेशले श्रीलंकालाई पराजित गर्दै स्वर्ण जितेको हो । बंगलादेशको टिममा वानिक सुस्मिता, विश्वास सुमा र रे समोली थिए । श्रीलंकाको टिममा करुनारत्ने अनुराधा, सालिका हर्सानी र थाक्सिला दमयान्थी थिए ।
त्यसैगरी, कांस्य पदकको लागि नेपाल रिकर्भ पुरुषतर्फको इभेण्टमा भुटानसँग समान अंक भएपनि नेरेस्ट द प्वाइटका आधारमा नेपाल पराजित बनेको छ । नेपाल र भुटानको समान २८ अंक थियो । नेपाली टिममा तिलक पुनमगर, रोशन नगरकोटी र अशिम शेरचन छन् । उक्त बिधामा बंगलादेशले श्रीलंकालाई पराजित गर्दै स्वर्ण हात पार्न सफल भएको हो ।
रिकर्भ महिलातर्फको खेलमा पनि नेपालले कास्य पदकको लागि भुटानसँग भएको खेलमा २ अंकले पराजित बन्यो । नेपालको टिममा ज्ञानु अवाले, मित्र राई र आयुषा तामाङ थिए । भुटानको टिममा ओलम्पिकमा छनौट भएकी खेलाडी कर्मा, डेकी सुनाम र डेमा सोनाम थिए । उक्त बिधामा पनि बंगलादेशले श्रीलंकालाई पराजित गर्दै स्वर्ण हात पारेको छ ।
बंगलादेशको टिममा खातुन एमएसटी इटिवाई, मोनेरा महनाज अक्तर र रे व्युटी थिए भने श्रीलंकाको टिममा शिल्भा थिसारी मधुसिका, तयावल्ली रिहाना र वाक दुगे मल्सा दिल्हानी थिए ।
रिकर्भ मिक्स टिममा समेत नेपालले कांस्य पदक प्राप्त गर्न चुक्यो । कांस्य पदकको लागि आइतबार भएको खेलमा श्रीलंकाले नेपाललाई पराजित गरेको हो । नेपाली टिममा आइषा तामाङ, रोशन नगरकोटी, श्रीलंकाको तर्फबाट डे सिल्भा महमदाच्ची सजिव र तयावल्ली रिहाना थिए ।
उक्त बिधामा समेत बंगलादेशले भुटानमाथि जित हात पार्दै स्वर्ण पदक हात पारेको छ । बंगलादेशको टिममा खातुन एमएस्टी इटीवाई र साना एमडी रुमन सहभागी थिए । भुटानको टिममा देमासोनाम र छिरिङ किन्ले थिए ।
नेपाल सहित ४ देश सहभागी भएको खेलमा आज (सोमबार) एकल महिला तथा पुरुषको रिकर्भ र कम्पाउण्ड गरी ४ वटा स्वर्ण पदकको लागि प्रतिस्पर्धा हुने भएको नेपाल आर्चरी संघका अध्यक्ष दीपक गुरुङले जानकारी दिएका छन् ।
Related News
सम्बन्धित समाचार
एनएलएलमा धनगढीसँग पोखरा थन्डर्स स्तभ्ध
महिला खेलाडीबाट बढी स्वर्ण
सागमा महिला खेलाडीहरुले दिलाए नेपाललाई बढि स्वर्ण
पदकधारी नेपाली खेलाडीलाई सरकारको विशेष पुरस्कार
अबको १४ औं साग पाकिस्तानमा
hero news full width
मुख्य समाचार
कतारी अमिर स्वेदश फिर्ता : पोखरा–कतार उडान माग
कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१