पोखरा, १६ मंसिर । लायन्स क्लब अफ पोखरा अन्जुली र लायन्स क्लब पोखरा अन्नपूर्णको सयुक्त आयोजनामा केण्ड्रोन स्टेट मावि अष्टे«लियाको सहयोगमा पोखराको लामाचौर स्थित इन्द्रराज्य लक्ष्मी उच्च माविमा १० हजार लिटरको खानेपानी ट्याङकी शिलन्यास गरिएको छ ।

अष्ट्रेलियाबाट आएका १७ जना बिद्यार्थीले ४ दिन उक्त खानेपानी टंकी निर्माणमा श्रमदान गर्नेछन् । बिद्यार्थीलाई स्वागत गर्दै प्रधानध्यापक केशवप्रसाद अम्गाईले सात समुन्द्र पारका बिद्यार्थीले आफ्नो बिद्यालयमा श्रमदान गरी खानेपानी टंकी निर्माणमा सहयोग गरेकोमा खुशि व्यक्त गरे ।

उक्त अवसरमा लायन्स क्लब अन्जुलीका अध्यक्ष कल्पना आचार्यले लायन्स क्लब अन्नपूर्णसंग हातेमालोगरी काम गर्ने पाएकोमा खुशि ब्यक्त गरे । सो अवसरमा परियोजना निर्देशक तथा लायन्स क्लब अन्नपूर्णका सल्लाहकार सोनाम साङ्पोले लायन्स क्लब पोखरा अन्नपूर्णले बिभिन्न लायन्स क्लबसंग मिलेर बिभिन्न बिद्यालयमा खानेपानी निर्माण कार्य गर्दै आएको बताए ।

पोखरा वरिपरी भएका सरकारी बिद्यालयमा शुद्ध खानेपानी निर्माणको लागी तिरन्तर लागिरहेने लायन्स क्लब अन्नपूर्णको पतिबद्धता रहेको जानाकारी दिए । लायन्स क्लब अन्नपूर्णका अध्यक्ष प्रदीप राजभण्डारीले क्लबले समाज सेवामा लागेकै कारण आगामी दिनमा मूल्याङ्कन हुनेमा विश्वास व्यक्त गरे । सो अवसरमा जोन चियर पर्सन अमृता शोभा खत्री लायन्स क्लब अन्जुलीमा निवर्तमान अध्यक्ष सान्त्वता पराजुली पौडेल प्रथम उपाध्यक्ष उमा भण्डारी सचिव बिना पाइजाको उपस्थित रहेको थियो ।