खो खोमा बंगलादेशमाथि नेपालको शानदार जित

Avatar आदर्श समाज सम्वाददाता
मंसिर १६, २०७६

पोखरा । १३ औं दक्षिण एसियाली खेलकुद (साग) अन्तर्गत खो खोको पुरुषमा नेपालले विजयी सुरुवात गरेको छ ।

कीर्तिपुरमा आइतबार भएको खेलमा नेपालले बंगलादेशलाई २१–१९ अंकले पराजित ग¥यो ।

जितसँगै नेपालले आफ्नो खातामा ३ अंक जोडेको छ । खो खोमा नेपालले पहिलो पटक बंगलादेशलाई पराजित गरेको हो । पहिलो इनिङको पहिलो टर्नमा चेन्जिङ गरेको नेपालले १२ जोड्दा दोस्रो टर्नमा बंगलादेशले पनि १२ अंक नै जोड्न सफल रह्यो ।

दोस्रो इनिङ्को पहिलो टर्नमा ९ अंक जोड्दा नेपाल २१–१२ को स्थितिमा पुगेको थियो । तेस्रो टर्नमा बंगलादेशलाई १० अंकको आवश्यक परेको स्थितिमा ८ अंकमात्रै जोड्दा नेपालले पहिलो जित सुनिश्चित गरेको थियो । नेपालको जितमा धनप्रसाद चौधरी, कुशल मेछे र गणेश विश्वकर्माले समान ४/४ अंक जोडे ।

नेपालले सोमबार दोस्रो खेलमा भारतको सामना गर्नेछ । आइतबार नै भएको खेलमा भारतले श्रीलंकालाई २१–८ अंकले पराजित गरेको छ । भारतले दोस्रो इनिङमा एक टर्न मात्रै खेल्दै सहज जित निकाल्यो । पाकिस्तान, भुटान र माल्दिभ्स सहभागी नभएको खो खो राउन्ड रोबिनको आधारमा हुनेछ ।

तपाइको विचार व्यक्त गर्नुहोस्

हाम्रो सुझाव

साग महिला ह्याण्डबमा नेपाल सेमिफाइनलमा

भारोत्तोलनमा स्वर्ण पदक

गौरिकाले ल्याइन पौडीमा स्वर्ण

साग महिला ह्याण्डबल सेमीफाइनलमा

प्रमुख समाचार

सुन्दरीजल खानेपानी प्रशोधन केन्द्र आगामी महिना सम्पन्न हुने

थप प्रमुख समाचार

साग महिला ह्याण्डबमा नेपाल सेमिफाइनलमा

भारोत्तोलनमा स्वर्ण पदक