महोत्सव सकिनै लाग्दा भैरहवामा जारी लुम्बिनी पर्यटन प्रवद्र्धन औद्योगिक व्यापार तथा कृषि महोत्सव–२०७६ मा दर्शकको भिड बढेको छ। मंसिर ३ देखि शुरु महोत्सव सकिन अब २ दिनमात्र बाँकी हुँदा दर्शकको उत्साह र सहभागिता बढेको हो।
महोत्सवमा १४ गते शनिबारमात्र एकैदिन ४० हजार दर्शकले अवलोकन गरेको आयोजकले दाबी गरेका छन्।
शनिबार दर्शक बढी हुनु स्वभाविक भए पनि अन्य दिन दर्शकको उपस्थितिले आफूहरु सन्तुष्ट भएको मेला मूल आयोजक समिति संयोजक नारायणप्रसाद भण्डारीले बताए। शनिबारमात्र महोत्सवमा २ करोडको कारोबार भएको संयोजक भण्डारीले दाबी गरे।
दर्शक चाप बढी भएपछि आयोजकले दर्शकलाई सहजै टिकटको व्यवस्थापन गर्नको लागि नियमित टिकट काउण्टरको अलावा ५ वटा टेबलबाट टिकट उपलब्ध गराएर भिडको व्यवस्थापन गरिएको सचिवालय संयोजक अनिलकुमार ज्ञवालीले जानकारी दिए।
दर्शकमात्र नभइ यस पटकको महोत्सवमा स्टलका पनि राम्रो सहभागिता रहेको स्टल संयोजक रामचन्द्र रेग्मीले बताए। उनका अनुसार महोत्सवमा ४ सय स्टल दर्ता भएका थिए।
उद्योग व्यापार संगठन रुपन्देही तथा नेपाल चेम्बर अफ कमर्स काठमाडौंको मुख्य आयोजनामा भैरहवाको अञ्चलपुरमा संचालन भइरहेको महोत्सवमा दर्शकले महोत्सवस्थलमा निर्माण गरिएको मायादेवी मन्दिर र सो भित्र राखिएका विभिन्न पर्यटकीय स्थलहरु अत्यन्तै रुचाएका थिए। साथै पशुपतिनाथ मन्दिर आकृतिको सचिवालय, सेल्फि जोन, मायादेवी मन्दिर आकृतिको प्रवेशद्वार लगायतमा सेल्फि लिनेको निकै भिड देखिएको थियो।
शनिबार महोत्सवको आकर्षणको रुपमा रहेका आधुनिक गायक हेमन्त शर्मा, राजनराज शिवाकोटी, लोक तथा दोहोरीगायक वसन्त लम्साल, गायिका भूमिका गिरी, सुशीला गौतम, गायक जीवन शर्मा लगायत विभिन्न स्थानीय कलाकार लगायतले दर्शकलाई निकै रमाइलो प्रदान गरेका थिए।
मंसिर १६ सम्म संचालन हुने महोत्सवमा २५ करोडको आर्थिक कारोबार तथा ३ लाख दर्शकलाइ अवलोकन गराउने आयोजकको लक्ष्य छ।
Related News
सम्बन्धित समाचार
अमरसिंह माविको ६८ औं वार्षिकोत्सव
लायन्स लेखनाथमा कृष्णप्रसाद
‘ज्येष्ठ नागरिकलाई सम्मान गरौं’
फेवा महोत्सवमा ड्यामसाइडमा पनि विविध गतिविधि
‘मादलको घिन्ताङ गुञ्जाउँछौं सराङकोट’
hero news full width
मुख्य समाचार
असुरक्षित टहरामा बस्न वाध्य सुरक्षाकर्मी
गण्डकी सरकारले २०८१ मा ३ दिन बिदा दिने
चैत्र १५, २०८०किरिया बसेका दाजुभाइ परीक्षामा
चैत्र १५, २०८०सुरु भयो एसइई, ५ लाख ४ हजार ४ सय १४ विद्यार्थी सामेल
चैत्र १५, २०८०बजेट अभावमा नगर अस्पतालको काम रोकियो
चैत्र १५, २०८०एमाले कास्कीमा को-को निर्वाचित ? (अन्तिम मतपरिणामसहित)
चैत्र १४, २०८०