भीरबाट लडेर मृत्यु

आदर्श समाज सम्वाददाता
कार्तिक ३०, २०७६

पोखरा, ३० कात्तिक । गोरखा जिल्लाको बारपाक सुलिकोट गाउँपालिका–६ भञ्ज्याङ निवासी ५० वर्षीय काले बराम शनिवार बिहान मृत फेला परेका छन् ।

उनी शुक्रवार खेततर्फ गएको र रातिसम्म पनि घर नफर्केपछि खोजी गर्ने क्रममा शनिबार विहान ८.३० बजे सोही वडाको मैलुङ स्थित बासपानीको भीरबाट तीन सय मिटर तल खसेर मृत्यु भएको अवस्थामा भेटिएका थिए । उनको खोजीकार्यमा स्थानीय र प्रहरीले जुटेका थिए । प्रहरीका अनुसार उनले मादक पदार्थ सेवन गर्ने गरिएको बुझिएको छ ।