नवीन कलाश्री पुरस्कार मानन्धरलाई

Avatar आदर्श समाज सम्वाददाता
कार्तिक २५, २०७६

पोखरा २५, कात्तिक । कलाकार क्षेत्रलाल कायस्थ प्रतिष्ठान पोखराद्वारा स्थापित नवीन कलाश्री पुरस्कार २०७६ वरिष्ठ कलाकार किरण मानन्धर काठमाण्डौलाई प्रदान गरिने भएको छ ।

प्रतिभा छानौट समितिको बैठकले सो निर्णय गरेको हो । सो पुरस्कारको राशी ५० हजार रुपैयाँ दोसल्ला र ताम्रपत्र रहेको छ । पुरस्कार आउँदो मंसिर १ गते नेपाल आर्ट काउन्सिल बबरमहल काठमाण्डौमा आयोजना हुने विशेष समारोहमा मानन्धरलाई प्रदान गरिने प्रतिष्ठानका सचिव कमल पौडेल अथकले जानकारी दिएका छन् ।

प्रतिभा छनोट समितिका संयोजक गोपाल श्रेष्ठको संयोजकत्वमा सदस्य झपिन्द्र गुरुङ, हेमकान्ति गुरुङ र पदेन सदस्यको रुपमा अध्यक्ष लोकप्रसाद गुरुङ र सचिव कमल पौडेल अथक रहेका थिए । सो कार्यक्रमको प्रमुख अतिथि संस्कृतिविद्ध सत्यमोहन जोशी रहेको प्रतिष्ठानले जनाएको छ ।
सो पुरस्कार कला क्षेत्रमा लागेका कलाकारहरुलाई प्रत्येक २ वर्षमा प्रदान गरिने सचिव कमल पौडेल अथकले जानकारी दिएका छन् ।

तपाइको विचार व्यक्त गर्नुहोस्

हाम्रो सुझाव

पोखरा थिएटर तेस्रो वर्षमा प्रवेश

खसआर्य संग्रहालयको शिलन्यास

ज्येष्ठ नागरिक रमाए ठाडोभाकामा

आनन्दमणि–टुल्की साहित्य पुरस्कार डा.सुकुमलाई

गायिका बाबा राणा सम्मानित

प्रमुख समाचार

गण्डकी विश्वविद्यालयको कुलपतिमा गुरुङ नियुक्त

थप प्रमुख समाचार